Шўртан газ кимё мажмуасида "Қувноқлар ва зукколар" кўрик-танловининг саралаш босқичи Д-гуруҳ беллашуви бўлиб ўтди
"Шўртан газ кимё мажмуаси" МЧЖда ишчи-ходимларнинг бўш вақтларини кўнгилли ва мазмунли ўтказиш, иқтидорли ёшларни излаб топиш, уларга ўз имкониятларини юзага чиқариш учун шароит яратиш мақсадида ташкил этилган “Қувноқлар ва Зукколар” кўрик-танловининг саралаш босқичи Д-гуруҳ беллашуви бўлиб ўтди.
Беллашувда Ёшлар иттифоқи ШГКМ бошланғич ташкилотининг "UNIVERSAL", Мажмуа Поликлиникасининг "ADRENALIN" ҳамда "Шўртан Яшил макон" МЧЖнинг "GREEN AREA" жамоалари иштирок этишди.
Иштирок этган жамоалар кўрик-танлов Низомига мувофиқ тўртта шарт бўйича ўзаро беллашишди ва шарт мезонлари асосида ҳакамлар ҳайъати томонидан баҳоланиб борилди.
Шартлар якунига кўра "Шўртан Яшил макон" МЧЖнинг "GREEN AREA" жамоаси Д-гуруҳ беллашувида энг юқори очко тўплаб ғолибликни қўлга киритгани ҳолда кейинги босқичга йўл олди. Мажмуа Поликлиникасининг "ADRENALIN" жамоаси иккинчи, Ёшлар иттифоқи ШГКМ бошланғич ташкилотининг "UNIVERSAL" жамоаси учинчи ўринга эгалик қилдилар.
“Қувноқлар ва Зукколар” кўрик-танловининг саралаш босқичи "Д" гуруҳи беллашуви натижалари:
Танлов якунида иштирок этган жамоа аъзоларига мажмуа маъмурияти ҳамда Касаба уюшма қўмитаси томонидан қимматбаҳо эсдалик совғалари топширилди. Шунингдек, беллашувнинг энг фаол ўйинчиси сифатида"ADRENALIN" жамоаси аъзоси Чуллиева Инобат Джумаевна ва "GREEN AREA" жамоаси аъзоси Мейлиева Флюра Шухратовна эътироф этилиб, мажмуа Бош директори томонидан эсдалик совғаси билан тақдирланди.
