“Қувноқлар ва зукколар” кўрик-танловининг 2022 йил Олий лигаси чорак финали баҳслари бўлиб ўтди
Шўртан газ кимё мажмуасида меҳнат қилиб келаётган ишчи-ходимларни ҳар томонлама қўллаб-қувватлаш ва ўз иқтидорларини янада намоён этишларига барча имкониятлар яратиб берилмоқда.
Жумладан, мажмуада бир неча йилдан бери анъанага айланиб улгурган "Қувноқлар ва зукколар" кўрик-танловининг натижаларига кўра мажмуа ишчи-ходимларидан иборат "UzClear" терма жамоаси ташкил этилган бўлиб, жамоа Ўзбекистон Қувноқлар ва зукколар ассоциацияси томонидан ташкил этилган “Қувноқлар ва зукколар” кўрик-танлови ОЛИЙ ЛИГAСИ 2022 йилги мавсумининг саралаш босқичларидан муваффақиятли ўтди. 24 октябрь куни Тошкент шаҳрида бўлиб ўтган чорак финал босқичида иштирок этди.
Тошкент тиббиёт академиясининг "Адреналин", Андижон машинасозлик институтининг "Беклар", Нукус давлат педагогика институтининг "Турон", Ўзбекистон Миллий университети Жиззах филиалининг "Жиззахлик шоввозлар" жамоалари билан бир гуруҳда иштирок этган мажмуамиз жамоаси, тенг курашлар остида ўтган баҳсда кичик очколар фарқи эвазига ўз иштирокларини чорак финалда якунлайдиган бўлишди.
Беллашув якунида танлов ҳакамлари томонидан жамоамиз аъзолари дебютант бўлишларига қарамай, тажрибали рақибларга қарши муносиб иштироклари учун алоҳида эътироф этилди. Терма жамоа вакиллари ўзлари учун керакли хулосаларни чиқарган ҳолда, келгуси мавсумда бунданда муваффақиятли иштирок этишни ўз олдиларига мақсад қилиб олишди!