"8 март – Халқаро хотин-қизлар куни" муносабати билан Шўртан газ кимё мажмуасида байрам тадбири ташкил этилди
Жорий йилнинг 6 март куни "8 март - Халқаро хотин-қизлар куни" муносабати билан мажмуада меҳнат қилиб келаётган хотин-қизлар учун Қарши шаҳридаги Мулла Тўйчи Тошмуҳамедов номидаги Қашқадарё вилоят мусиқали драма театрида концерт дастури ташкил этилди.
Ноодатий тарзда бошланган тадбирда, аёл-қизлар мусиқа садолари остида кутиб олинди. Маҳоратли санъаткорлар томонидан ижро этилган куй-қўшиқлар, мусиқали шоу дастурлар ташриф буюрган хотин-қизларга кўтаринки кайфият бағишлади.
Концерт дастуридан сўнг, хотин-қизлар учун байрам дастурхони ташкил этилди ва тадбирда "Шўртан газ кимё мажмуаси" МЧЖ Бош директори Шуҳрат Асланов сўзга чиқиб, мажмуада меҳнат фаолиятини олиб бораётган барча хотин-қизларни баҳорий байрам билан самимий қутлади.
Тадбир давомида ташкил этилган кўнгил очар дастурлар ҳамда бир гуруҳ санъаткорлар томонидан ижро этилган куй-қўшиқлар иштирокчиларга янада кўтаринки ва байрамона кайфият улашди.
