"Шўртан газ кимё мажмуаси" МЧЖ Этилен ишлаб чиқариш цехининг газларни ажратиш қурилмаси FD-1701-фаоллаштирилган кўмир ёрдамида диэтаноламин эритмасини тозалаш фильтрида, фаоллаштирилган кўмирни алмаштириш ишлари олиб борилди.
"Шўртан газ кимё мажмуаси" МЧЖ Этилен ишлаб чиқариш цехининг газларни ажратиш қурилмаси FD-1701 - фаоллаштирилган кўмир ёрдамида диэтаноламин эритмасини тозалаш фильтрида, фаоллаштирилган кўмирни алмаштириш ишлари олиб борилди.
Этилен ишлаб чиқариш цехи газларни ажратиш қурилмасида жойлашган FD-1701 фильтри "ABB lummus global GmbH" компанияси буюртмасига асосан "GEMSTAR" компанияси томонидан ишлаб чиқарилган бўлиб, 1999 йилда мажмуага олиб келтирилган ва ўрнатилган.
FD-1701 фильтрининг вазифаси, диэтаноламин эритмаси таркибидаги, юқори ҳароратда эритманинг парчаланиши натижасида ҳосил бўладиган маҳсулотлар, иссиққа бардошли тузлар, емирилиш (корозия) маҳсулотлари ва полимерларни ютиб қолишдан иборат. Агар юқоридаги жараён фильтр ёрдамида амалга оширилмаса, диэтаноламин эритмасинининг нордон газларни ютиш эффективлиги тушиб кетади ва натижада бу ҳолат ишлаб чиқариш самарадорлигининг пасайишига олиб келади.
Ишлаб чиқариш барқарорлигини таъминлаш, самарадорлигини ошириш мақсадида FD-1701 фильтридаги фаоллаштирилган кўмир кимёвий реагенти мажмуанинг йиллик чора тадбирлари режасига кўра бир йилда уч марта яъни ҳар тўрт ойда бир алмаштирилиши белгиланган.
Маълумот учун, FD-1701 фильтрига юкланадиган фаоллаштирилган кўмир Nanjing Lanya Chemical (UK) Co., Ltd. (Хитой) компанияси томонидан келтирилган.