To`garak va klublar faoliyati amalda

Nemis filologiyasi kafedrasi qoshida talabalarning bo`sh vaqtini mazmunli o`tkazish maqsadida sakkizta to`garak va klub tashkil etilgan. Ular tajribali va yosh mutaxassislarga biriktirilgan bo`lib bo`limning asosan faol talabalar tomonidan boshqariladi. Jumladan to`garak a`zolari o`zlari qiziqqan mavzuni tanlab uni nemis tilida muhokama qiladilar, ishtirokchilar nemis tilidan bilimlarini o`stirish barobarida turli yondashuvlarini bayon etib mustaqil fikr bildirish va qarorini himoya qilish kabi ko`nikmalarni oshiradilar. Kafedrada tashkil etilgan FDS klubi bir necha yildan buyon faoliyat yuritib kelmoqda. Unda faol ishtirok etgan talabalar hozirda nafaqat respublika, balki Germaniya va Avstriyada ham muvaffaqiyatli o`qib ishlab kelmoqdalar.

“Darsda olgan bilimlarimni FDS klubidagi uchrashuvlarda amaliy jihatdan mustahkamlaganman. Ayniqsa klub ishtirokchilarida guruh, yosh va kursda farqning yo`qligi, darsda mavjud baholash, imtihon, davomatning yo`qligi menga gapirishda katta erkinlik bergan. Klubda ishtirokchi uchun og`zaki nutqni rivojlantirish uchun katta salohiyat bor” deydi sobiq talaba Badalov Feruz.

FDS klubi doimiy ravishda talabalar uchun qulay paytda tashkil etiladi. Unda xorijiy mutaxassislar ham taklif etilib nemis tili bilimlarini oshirishga qaratilgan turli o`yinlar ham tashkil etiladi.