Respublika fan olimpiadasida yuqori natijalarga erishgan TDPU talabalari taqdirlandilar

Pandemiya davrida ham Toshkent davlat pedagogika universiteti talabalari o‘rtasida o‘tkaziladigan fan olimpiadalari sifatini oshirish hamda tahsil olayotgan talabalarni har tomonlama barkamol, mustaqil fikrlaydigan, mamlakatimiz istiqboli uchun mas’uliyatni o‘z zimmasiga olishga qodir, tashabbuskor, xalq manfaati yo‘lida bor salohiyatini safarbar qiladigan, shijoatli yosh kadr qilib tarbiyalash, ularning intellektual va ijodiy salohiyatini ro‘yobga chiqarishga ko‘maklashish bo‘yicha salmoqli ishlar amalaga oshirildi.

Toshkent davlat pedagogika universitetida talabalarning faol ijodiy faoliyat olib borishlari uchun zarur shart-sharoitlar yaratib berilgan bo‘lib, shijoatli, ziyrak, bilimdon talabalar ko‘pchilikni tashkil etadi.

2020-yil may oyida talabalar fan odimpiadasining respublika bosqichida ishtirok etgan 35 nafar talabalarimiz sovrnili o‘rinlarni qo‘lga kiritib, umumjamoa hisobida respublika oliy ta’lim muassasalari orasida BIRINCHI o‘rinni egalladilar.

Mazkur talabalarning erishgan yutuqlari uchun universitetimiz rektori Alisher Umarov tomonidan munosib taqdirlandi.

Fan olimpiadalarida muvaffaqiyatli ishtirok etgan barcha talabalarimizni chin dildan tabriklaymiz va ulkan minnatdorchilik bildirib qolamiz.