ഏറ്റവും വലിയ ശ്വേത ഹൈഡ്രജൻ നിക്ഷേപം
വടക്കുകിഴക്കൻ ഫ്രാൻസിൽ കണ്ടെത്തി...!
ഏറ്റവും വലിയ ശ്വേത ഹൈഡ്രജൻ നിക്ഷേപം;
ഫ്രാൻസിലെ ശാസ്ത്രജ്ഞരായ ജാക്വസ് പിറോനോൻ, ഫിലിപ്പ് ഡി ഡൊനാറ്റോ എന്നിവർ ഫോസിൽ ഇന്ധനങ്ങൾക്കായി വടക്കുകിഴക്കൻ ഫ്രാൻസിൽ പര്യവേക്ഷണം നടത്തുന്നതിനിടെ അവിചാരിതമായി ലോകത്തെ ഊർജ്ജമേഖലയിലാകെ വലിയ വിപ്ലവം സൃഷ്ടിക്കാൻ തക്കവണ്ണം പ്രാധാന്യമുള്ള ശ്വേത ഹൈഡ്രജൻ നിക്ഷേപം കണ്ടെത്തി.
അളവിൽ ഏകദേശം 25 കോടി മട്രിക് ടണ്ണോളം ഉണ്ടാകാം എന്ന് ഗവേഷകർ പ്രതീക്ഷിക്കുന്ന ഈ ശ്വേത ഹൈഡ്രജൻ ശേഖരം ഭൂനിരപ്പിൽ നിന്നും 1.25 കിലോമീറ്റർ താഴ്ചയിലാണ് സ്ഥിതി ചെയ്യുന്നത്.
ലോകത്തിൽ ഊർജ്ജാവശ്യത്തിനായി ലഭ്യമായ പല വകഭേദങ്ങളിലുള്ള ഹൈഡ്രജനുകളിൽ ഏറ്റവും ശുദ്ധമായ ഹൈഡ്രജനാണ്, ഭൂമിയുടെ പുറംകാമ്പിൽ (ക്രസ്റ്റ്) ഉത്പാദിപ്പിക്കപ്പെടുന്നതും, കത്തുമ്പോൾ ജലം മാത്രം ഉത്പാദിപ്പിക്കപ്പെടുന്നതുായ ശ്വേത ഹൈഡ്രജൻ.
വാഹനങ്ങൾക്ക് ആവശ്യമായ ഫ്യുവൽ സെൽ, ധാരാളം വ്യാവസായിക ആവശ്യങ്ങൾ തുടങ്ങി പല സുപ്രധാന മേഖലകളിലും ഉപയോഗിക്കാൻ ഉതകുന്ന ശ്വേത ഹൈഡ്രജനെ വലിയ അളവിൽ ഉത്പാദിപ്പിക്കാൻ വ്യാവസായിക ശാലകൾക്ക് മാത്രമേ സാധ്യമാകൂ എന്നാണ് ശാസ്ത്രജ്ഞർ ഇതുവരേയും ധരിച്ചു വന്നിരുന്നത്.
ഹൈഡ്രജൻ്റെ മറ്റു വകഭേദങ്ങളായ ഗ്രീൻ ഹൈഡ്രജൻ, ഗ്രേ ഹൈഡ്രജൻ എന്നിവയെ ഇലക്ട്രോളിസിസ് വഴിയാണ് ഇപ്പോഴും വ്യാവസായിക ശാലകളിൽ നിന്ന് ഉത്പാദിപ്പിച്ചെടുക്കുന്നത്.
കാലാവസ്ഥാവ്യതിയാനത്തെ ഒരു പരിധി വരെ കുറച്ചു കൊണ്ടു വരാൻ ശ്വേത ഹൈഡ്രജൻ ഉപയോഗം വഴി ഒരുക്കും എന്നതിനാൽ, ഈ കണ്ടെത്തലിന് പരിസ്ഥിതി പരമായും ഏറെ പ്രാധാന്യമുണ്ട് എന്നാണ് ശാസ്ത്രജ്ഞർ പറയുന്നത്.
റഷ്യ, ഒമാൻ, ഫ്രാൻസ്, മാലി എന്നിവിടങ്ങളിലും ശ്വേത ഹൈഡ്രജൻ നിക്ഷേപം കണ്ടെത്തിയിട്ടുണ്ടെങ്കിലും, ഇവ സ്ഥിതി ചെയ്യുന്നത് വിദൂര സ്ഥലങ്ങളിലായതിനാൽ ഖനനം ചെയ്തെടുക്കാൻ ബുദ്ധിമുട്ട് ഏറെയാണ്.
ശ്വേത ഹൈഡ്രജനെ കൃത്യമായി ഖനനം ചെയ്തെടുത്ത്, ലാഭകരമായ രീതികളിൽ ഊർജ്ജോപയോഗത്തിനായി വിപണിയിൽ എത്തിക്കാൻ ഇനിയും ധാരാളം സമയമെടുക്കും.
Credit: Balakrishnanunni TN