🦗ദി ഗ്രേറ്റ് ലോക്കസ്റ്റ് പ്ലേഗ്

അമേരിക്കൻ ഐക്യനാടുകളിലെ കർഷകരെ ഒരു കാലത്ത് ഏറ്റവും കൂടുതൽ ഭയപ്പെടുത്തിയിരുന്ന ഒരു വിപത്തായിരുന്നു റോക്കി മൗണ്ടൻ ലോക്കസ്റ്റ് എന്നറിയപ്പെടുന്ന പ്രത്യേകയിനം വെട്ടുകിളികളുടെ (Rocky Mountain Locust - Melanoplus spretus) കൂട്ട ആക്രമണം. മനുഷ്യചരിത്രത്തിൽ രേഖപ്പെടുത്തപ്പെട്ടതിൽ വെച്ച് ഏറ്റവും വലിയ വെട്ടുകിളി ആക്രമണങ്ങളിൽ ഒന്നാണിത്.

ഈ വെട്ടുകിളി ആക്രമണങ്ങളുടെ ചരിത്രത്തിലെ ഏറ്റവും ശ്രദ്ധേയമായ സംഭവം 1875-ൽ യുഎസിലെ ഗ്രേറ്റ് പ്ലെയിൻസ് (Great Plains) മേഖലയിൽ അരങ്ങേറിയതാണ്. ഇത് റോക്കി മൗണ്ടൻ ലോക്കസ്റ്റ് പ്ലേഗ് എന്ന് അറിയപ്പെടുന്നു.

1875-ൽ നെബ്രാസ്കയിലെ പ്ലാറ്റ്സ്മത്തിൽ (Plattsmouth, Nebraska) അഞ്ച് ദിവസത്തോളം നീണ്ടുനിന്ന വെട്ടുകിളി ആക്രമണമാണുണ്ടായത്.

ഈ വെട്ടുകിളിക്കൂട്ടം ഏകദേശം 3000 കിലോമീറ്റർ നീളത്തിലും 175 കിലോമീറ്റർ വീതിയിലും വ്യാപിച്ചിരുന്നുവെന്നാണ് കണക്കാക്കപ്പെടുന്നത്. ഇവയുടെ എണ്ണം പന്ത്രണ്ടര ലക്ഷം കോടി (12.5 ട്രില്യൺ) വരുമെന്ന് ശാസ്ത്രജ്ഞർ കണക്കാക്കുന്നു.

ഈ വെട്ടുകിളികൾ കടന്നുപോയ വഴികളിലെ കൃഷിയിടങ്ങളെല്ലാം നിമിഷങ്ങൾക്കകം നശിപ്പിച്ചു. വിളകൾ പൂർണ്ണമായും തിന്നുതീർക്കുകയും കാർഷിക മേഖലയ്ക്ക് കനത്ത നാശനഷ്ടമുണ്ടാക്കുകയും ചെയ്തു. കർഷകർക്ക് ഇത് വലിയ ദുരിതമായിരുന്നു.

കൃഷിക്ക് വലിയ ദോഷമുണ്ടാക്കിയിരുന്ന ഈ കീടം പിന്നീട് ലോകശ്രദ്ധ നേടിയത് അതിന്റെ വംശനാശം മൂലമാണ്. കർഷകരെ ദ്രോഹിച്ചിരുന്ന ഒരു കീടം പൂർണ്ണമായും അപ്രത്യക്ഷമാകുന്ന ആദ്യ സംഭവമായിരുന്നു ഇത്.1902 ആയപ്പോഴേക്കും റോക്കി മൗണ്ടൻ ലോക്കസ്റ്റ് എന്ന വെട്ടുകിളികൾ ഭൂമിയിൽ നിന്ന് പൂർണ്ണമായും അപ്രത്യക്ഷമായി. ഇവയുടെ വംശനാശത്തിന്റെ പ്രധാന കാരണം മനുഷ്യന്റെ ഇടപെടലുകളാണെന്നാണ് ശാസ്ത്രജ്ഞർ കരുതുന്നത്.ഇവയുടെ പ്രജനനനിലങ്ങളായ ചില ഭൂമേഖലകൾ കർഷകർ കൃഷിക്കായി ഉഴുതുമറിച്ചത് ഇതിന് കാരണമായി.മുട്ടയിടുന്നതിനുള്ള സാഹചര്യം നഷ്ടപ്പെട്ടതും കാലാവസ്ഥാ മാറ്റങ്ങളും ഈ വംശനാശത്തിന് ആക്കം കൂട്ടി.

ഒരുകാലത്ത് യുഎസിലെ കാർഷിക മേഖലയെ തകർത്തെറിഞ്ഞ ഈ വെട്ടുകിളി കൂട്ടം, പിന്നീട് ഒരു നൂറ്റാണ്ടിനുള്ളിൽ പൂർണ്ണമായും ഇല്ലാതായത് ഒരു വലിയ ശാസ്ത്രപ്രഹേളികയായി നിലനിൽക്കുന്നു. ഒരു കീടം ലോകത്തുനിന്ന് പൂർണ്ണമായും അപ്രത്യക്ഷമാകുന്നതിന്റെ ഒരു അപൂർവ ചരിത്രമാണ് റോക്കി മൗണ്ടൻ ലോക്കസ്റ്റിന്റേത്.

🅙🅞🅘🅝👉🏻🌍അജ്ഞാതലോകം🌍

🅙🅞🅘🅝👉🏻🌀 🆃🅶ബ്ലോഗർ🌀In Telegram