ഫ്രൂട്ട്സിലെ ലേബലിൽ ഉള്ള നമ്പറുകൾ എന്തിനെ സൂചിപ്പിക്കുന്നതാണെന്ന് അറിയാമോ?
പഴങ്ങളും പച്ചക്കറികളുമൊക്കെ കഴിക്കാൻ ഇഷ്ടമില്ലാത്തവരായി ആരും കാണില്ല അല്ലേ. കടയിൽ പോയി ഇഷ്ടപ്പെട്ട എല്ലാം വാങ്ങി കഴിക്കാറാണ് പതിവ്. ചിലർ പഴങ്ങളുടെയും പച്ചക്കറികളുടെയുമൊക്കെ വില മാത്രമല്ല ഗുണവും കൂടി നോക്കും എന്നതാണ് യാഥാർത്ഥ്യം. ഓർഗാനിക് ഭക്ഷണങ്ങളോട് കൂടുതൽ ഇഷ്ടമുള്ളവർ ധാരാളമുണ്ട്. അങ്ങനെയുള്ളവർ വാങ്ങുമ്പോൾ വില മാത്രമല്ല അതിൻ്റെ പല തരത്തിലുള്ള ഗുണങ്ങളും നോക്കാറുണ്ട്.കടയിൽ പോയി പഴങ്ങൾ വാങ്ങുമ്പോൾ ശ്രദ്ധിച്ചിട്ടില്ലെ അതിൽ ഒരു സ്റ്റിക്കർ കാണാൻ സാധിക്കും. വിലയല്ലാതെ ഇതിൽ ചില അക്കങ്ങൾ കൂടി എഴുതിയിരിക്കുന്നത് ചിലരെങ്കിലും ശ്രദ്ധിച്ചിട്ടുണ്ടാവും. ഈ നമ്പർ എന്താണെന്ന് എപ്പോഴെങ്കിലും ചിന്തിച്ചിട്ടുണ്ടോ? ചിലർക്ക് ഇത് എന്താണെന്ന് കൃത്യമായി അറിയായിരിക്കും, പക്ഷെ മറ്റ് ചിലർക്ക് ഒരുപക്ഷെ അറിയാൻ സാധ്യത കുറവാണ്. പഴങ്ങളുടെ ഗുണനിലവാരം ചൂണ്ടി കാട്ടുന്നത് കൂടിയാണ് ഈ പഴങ്ങൾ.
എങ്ങനെയാണ് ഈ പഴങ്ങളെ വളർത്തിയെടുക്കുന്നത് എന്ന് കൂടി സൂചിപ്പിക്കുന്നതാണ് ഈ അക്കങ്ങൾ. ഓർഗാനിക്, പരമ്പരാഗതമായ രീതി, ജനിതകമാറ്റം വരുത്തിയത് എന്ന് ഇങ്ങനെയാണ് പഴങ്ങളുടെ ഈ അക്കങ്ങൾ സൂചിപ്പിക്കുന്നത്.
നാലിൽ തുടങ്ങുന്ന നമ്പറുകളാണ് ഫ്രൂട്ട്സിലുള്ളതെങ്കിൽ അത് മുഴുവനായും കെമിക്കലുകളും കീടനാശിനിയും കുത്തി വച്ച് വളർത്തിയതെന്നാണ് സൂചിപ്പിക്കുന്നത്.
എട്ടിൽ തുടങ്ങുന്ന അഞ്ച് അക്കങ്ങളുള്ള ഒരു കോഡാണ് കാണുന്നതെങ്കിൽ അത് പകുതി നാച്ചുറലും പകുതി കെമിക്കലുമാണെന്നാണ് സൂചിപ്പിക്കുന്നത്.
അതേസമയം, ഏതെങ്കിലും ഫ്രൂട്ടസിൽ ഒൻപതിൽ തുടങ്ങുന്ന അഞ്ച് അക്കങ്ങളാണ് ഉള്ളതെങ്കിൽ അത് തികച്ചും ഓർഗാനിക് ആണെന്നാണ് പറയപ്പെടുന്നത്.
ഇനി കടയിൽ നിന്ന് പഴങ്ങളും പച്ചക്കറികളും വാങ്ങുമ്പോൾ ഇത്തരം കാര്യങ്ങൾ ഒന്ന് ശ്രദ്ധിച്ചാൽ ആരോഗ്യവും സംരക്ഷിക്കാം.
Credit: റ്റീന മാത്യു