Чин краткого молитвословия вместо вечерни
Чин краткого молитвословия вместо вечерни
Если молитва совершается несколькими христианами с пением, то следует прежде уготовать вечернюю трапезу, кацию (малую кадильницу) и три свечи. Пред началом вечерни зажечь одну (из трех) свечу и положить горящие угли в кадильницу.
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.
Псалом 85:
Если поёшь последование с пением и торжественно в кругу семьи, то псалом читай и припевай припевы на каждый стих, как написано, если же это просто домашняя молитва, то опусти всё выдеоенное жирным и просто читай псалом
И услы́ши мя. Слава тебе Боже.
Приклони́, Го́споди, у́хо Твое́, и услы́ши мя,
Слава тебе Боже.
я́ко нищ и убо́г есмь аз.
Слава тебе Боже.
Сохрани́ ду́шу мою́, я́ко преподо́бен есмь:
Слава тебе Боже.
спаси́ раба́ Твоего́, Бо́же мой, упова́ющаго на Тя.
Слава тебе Боже.
Поми́луй мя, Го́споди, я́ко к Тебе́ воззову́ весь день.
Слава тебе Боже.
Возвесели́ ду́шу раба́ Твоего́, я́ко к Тебе́ взях ду́шу мою́.
Слава тебе Боже.
Я́ко Ты, Го́споди, Благ и Кро́ток, и Многоми́лостив всем призыва́ющым Тя.
Слава тебе Боже.
Внуши́, Го́споди, моли́тву мою́, и вонми́ гла́су моле́ния моего́.
Слава тебе Боже.
В день ско́рби моея́ воззва́х к Тебе́, я́ко услы́шал мя еси́.
Слава тебе Боже.
Несть подо́бен Тебе́ в бозе́х, Го́споди, и несть по дело́м Твои́м.
Слава тебе Боже.
Вси язы́цы, ели́ки сотвори́л еси́, прии́дут и покло́нятся пред Тобо́ю, Го́споди, и просла́вят и́мя Твое́,
Слава тебе Боже.
я́ко Ве́лий еси́ Ты, и творя́й чудеса́, Ты еси́ Бог еди́н.
Слава тебе Боже.
Наста́ви мя, Го́споди, на путь Твой,
Слава тебе Боже.
и пойду́ во и́стине Твое́й;
Слава тебе Боже.
да возвесели́тся се́рдце мое́ боя́тися и́мене Твоего́.
Слава тебе Боже.
Испове́мся Тебе́, Го́споди Бо́же мой, всем се́рдцем мои́м,
Слава тебе Боже.
и просла́влю и́мя Твое́ в век:
Слава тебе Боже.
я́ко ми́лость Твоя́ ве́лия на мне,
Слава тебе Боже.
и изба́вил еси́ ду́шу мою́ от а́да преиспо́днейшаго.
Слава тебе Боже.
Бо́же, законопресту́пницы воста́ша на мя,
Слава тебе Боже.
и сонм держа́вных взыска́ша ду́шу мою́, и не предложи́ша Тебе́ пред собо́ю.
Слава тебе Боже.
И Ты, Го́споди Бо́же мой, Ще́дрый и Ми́лостивый,
Слава тебе Боже.
Долготерпели́вый, и Многоми́лостивый и и́стинный,
Слава тебе Боже.
при́зри на мя и поми́луй мя,
Слава тебе Боже.
даждь держа́ву Твою́ о́троку Твоему́, и спаси́ сы́на рабы́ Твоея́.
Слава тебе Боже.
Сотвори́ со мно́ю зна́мение во бла́го,
Слава тебе Боже.
и да ви́дят ненави́дящии мя, и постыдя́тся,
Слава тебе Боже.
я́ко Ты, Го́споди, помо́гл ми и уте́шил мя еси́.
Слава тебе Боже.
Сла́ва Отцу́ и Сы́ну и Свято́му Ду́ху.
Слава тебе Боже.
Сотвори́ со мно́ю зна́мение во бла́го, и да ви́дят ненави́дящии мя, и постыдя́тся, я́ко Ты, Го́споди, помо́гл ми и уте́шил мя еси́.
Слава тебе Боже.
И ны́не и при́сно и во ве́ки веко́в. Ами́нь.
Слава тебе Боже.
Аллилу́иа, Аллилу́иа, Аллилу́иа Слава тебе Боже. трижды.
Го́споди, поми́луй, трижды.
Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.
Псалом 140
Го́споди, воззва́х к Тебе́, услы́ши мя. / Услы́ши мя, Го́споди.
Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.
Если молитва пением вложи ладан в кацию и покади иконы и молящихся
Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.
От этого места, если это частная домашняя молитва, то опусти всё выдеоенное жирным и просто читай псалом
Положи́, Го́споди, хране́ние усто́м мои́м, и дверь огражде́ния о устна́х мои́х.
Услы́ши мя, Го́споди.
Не уклони́ се́рдце мое́ в словеса́ лука́вствия, непщева́ти вины́ о гресе́х,
Услы́ши мя, Го́споди.
с челове́ки де́лающими беззако́ние, и не сочту́ся со избра́нными их.
Услы́ши мя, Го́споди.
Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́,
Услы́ши мя, Го́споди.
я́ко еще́ и моли́тва моя́ во благоволе́ниих их.
Услы́ши мя, Го́споди.
Поже́рты бы́ша при ка́мени судии́ их:
Услы́ши мя, Го́споди.
услы́шатся глаго́ли мои́, я́ко возмого́ша.
Услы́ши мя, Го́споди.
Я́ко то́лща земли́ просе́деся на земли́, расточи́шася ко́сти их при а́де.
Услы́ши мя, Го́споди.
Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́.
Услы́ши мя, Го́споди.
Сохрани́ мя от се́ти, ю́же соста́виша ми,
Услы́ши мя, Го́споди.
и от собла́зн де́лающих беззако́ние.
Услы́ши мя, Го́споди.
Паду́т во мре́жу свою́ гре́шницы: еди́н есмь аз, до́ндеже прейду́.
Услы́ши мя, Го́споди.
Сла́ва Отцу́ и Сы́ну и Свято́му Ду́ху.
Услы́ши мя, Го́споди.
И ны́не и при́сно и во ве́ки веко́в. Ами́нь.
Услы́ши мя, Го́споди.
Творение Софрония, патриарха Иерусалимскаго:
Све́те ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мир Тя сла́вит.
и зажигаем оставшиеся две свечи
Чтем здесь от книг Ветхаго Завета
Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь./ Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. / Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.
Псалом 122
К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны. Поми́луй нас Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Молитва святаго Симеона Богоприимца:
Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.
Святый Боже, Святый Крепкий, Святый Безсмертный, помилуй нас. (Tрижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Яко Твое есть Царство, и Сила, и Слава во веки. Аминь.
Молитва св. Василия Великого
Благослове́н еси́, Влады́ко Вседержи́телю, просвети́вый день све́том со́лнечным и нощь уясни́вый заря́ми о́гненными, е́же долготу́ дне прейти́ нам сподо́бил еси́ и прибли́житися нача́лом но́щи. Услы́ши моле́ние мое и всех люде́й Твои́х и всех нас прости́ во́льная и нево́льная согреше́ния. Приими́ вече́рняя моя моле́ния и низпосли́ мно́жество ми́лости Твоея́ и щедро́т Твои́х на достоя́ние Твое́. Остени́ нас святы́ми Твои́ми а́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же мне и настоя́щий ве́чер с приходя́щею но́щию соверше́н, свят, ми́рен, безгре́шен, безбла́знен, безмечта́нен и вся дни жизни на́шея, моли́твами Cвяты́я Богоро́дицы и всех святы́х, от ве́ка благоугоди́вших, ами́нь.
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Сла́ва, и ны́не, Го́споди поми́луй, трижды
Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших, (святых дня) и всех святых помилуй и спаси нас, яко Благ и Человеколюбец. Аминь.