“Toʻgʻri kasb tanlash: hayotda toʻgʻri maqsad oʻrnatish” mavzusida biznes-trening boʻlib oʻtdi

Joriy yil 12-may kuni “Iqtisodiyot” kafedrasi tomonidan kafedra haftaligi doirasida “Toʻgʻri kasb tanlash: hayotda toʻgʻri maqsad oʻrnatish” mavzusida biznes-trening boʻlib oʻtdi.

Unda tadbirkor, investor, sug'urta sohasi mutaxassisi, "Hamkor Sugurta" AJ boshqaruvi raisi Xudoyberdiyev Umidjon Muradovich, “Iqtisodiyot” kafedrasi professor-oʻqituvchilar va talaba-yoshlar ishtirok etishdi.

Biznes-treningda Umidjon Xudoyberdiyev biznes olamida erishgan yutuqlari haqida gapirib oʻtdi. Tadbirkorlikni yoʻlga qoʻyishda mablagʻdan samarali foydalanish, menejment, bozor tanlashda nimalarga eʼtibor qaratish, har qanday sharoitda ham maqsad sari dadil intilish zarurligini alohida qayd etdi va asosiysi har bir tadbirkor boʻlaman degan inson oʻz ishini yaxshi koʻrishi lozimligini aytib oʻtdi.

Shuningdek, biznes-trening davomida biznes sohasi boʻyicha koʻplab savollar boʻldi. Tom maʼnoda uchrashuv talabalarda iliq taassurot qoldirdi.