Faol yoshlarning ota-onalariga "Olmaliqmetallurgqurilish" tresti (OMQT) rahbariyatining e’tibori...

Ta’kidlash lozimki, 2023 yilda amalga oshirilgan qurilish-ta’mirlashishlarida OMQTning quruvchi, bunyodkor xotin-qizlari hamda yoshlarning mehnati va faolligi har tomonlama namuna bo‘ldi. Har bir kuchli mutaxassis va xodimning yuksak natija va yutuqlarining egasi - ularning hayot ustozi, ota-onalaridir.

Yoshlarning ma’naviy-ma’rifiy immunitetini kuchaytirish, kitobxonlikni faol targ‘ib etish maqsadida quruvchi-bunyodkorlarning ota-onalarining yuksak tarbiya va mehnatlari samarasini e’tiborga olgan holda "Farzandim bilan faxrlanaman" shiori ostida "Rahbardan yoshlarga kitob tuhfasi" ma’naviy ma’rifiy targ‘ibot aksiyasi tashkil etildi.

Aksiya doirasida O'zbekiston yoshlar ittifoqi Toshkent viloyati Kengashi raisi M.Xamzayev, "Olmaliq" KMK AJ OMQT rahbariyati kasaba uyushma raisi O.Sarkayev, yoshlar ittifoqi raisi J.Alijonov hamda OKMK Axborot xizmati hamkorligida 12 nafar faol, tashabbuskor quruvchi-yoshlarning ota-onalariga "Olmaliq" KMK AJ OMQT rahbariyati hamda Toshkent viloyati yoshlar ittifoqi tomonidan tashakkurnoma va tarixiy adabiy kitoblar taqdim etildi.