MUZQAYMOQ
Dadam berdi singlimga
Muzqaymoq uchun ko‘p pul.
Do‘konga ketdi shoshib,
Juda xursand, misli gul.
Keldi quvonchdan yayrab,
Qo‘lida esa qaymoq.
Muzqaymoq olmadingmi?
Savol berdim o‘sha chog‘.
Javob berdi shodlikdan:
Opa, rangi ham oppoq.
Muzlatgichga solsak biz
Zo‘r bo‘ladi muz qaymoq.
Tasanno ABDUVAHHOBOVA,
Erkin Vohidov nomidagi
ijod maktabi 9-sinf o‘quvchisi
TOMCHI
Tarnov uzra bir tomchi
Maqtanarkan tinmasdan.
Shu on kelib izg‘irin
Gapin bo‘ldi bilmasdan.
Jahli chiqdi tomchining
Izg‘iringa baqirdi.
O‘z kuchiga ishonib
Jang qilishga chaqirdi.
Shiddat bilan tomchivoy
Kurashishga shaylandi.
Mag‘lub bo‘lib, afsuski,
Sumalakka aylandi.
Nodirabegim SAIDJONOVA,
Erkin Vohidov nomidagi
ijod maktabi 9-sinf o‘quvchisi
DOVUCHCHA
Yegim kelar dovuchcha
Qani bo‘lsa bir hovuch.
Istak shu bog‘ga bordim,
Orzu dedi meni quch.
Daraxt shoxidan ushlab,
Sanadim: bir, ikki, uch.
Va silkita boshladim,
G‘o‘ralar men tomon uch.
G‘azablangan daraxtdan
Tushdi kattakon g‘o‘ra.
Meni mo‘ljalga olib,
Boshimni qildi g‘urra.
Gulyora HOSHIMJONOVA,
Erkin Vohidov nomidagi ijod maktabi
9-sinf o‘quvchisi
