Сhempionat g‘oliblari aniqlandi
Joriy yilning 11-12 noyabr kunlari “O‘zbekneftgaz” AJ tomonidan “UNG CyberGames-2024” tadbiri doirasida kibersport chempionati bo‘lib o‘tdi. Unda Jamiyat tasarrufidagi 30 ga yaqin tashkilot ishtirok etdi.
Ushbu tadbir davlatimiz rahbarining “Kibersport turlarini yanada rivojlantirish va keng ommalashtirishga oid qo‘shimcha chora-tadbirlar to‘g‘risida”gi qarori asosida tashkil etildi.
Chempionatning asosiy maqsadi yoshlarning axborot texnologiyalari va IT sohasidagi salohiyatini yuksaltirish, ularni zamonaviy texnologiyalarga qiziqtirish va kibersportni keng ommalashtirishdan iborat.
Musobaqada o‘zining yuqori darajadagi ko‘nikmalarini namoyish etgan Buxoro neftni qayta ishlash zavodi jamoasi 1-o‘rinni, “Uzbekistan GTL” zavodi jamoasi 2-o‘rinni, Ustyurt gaz qazib chiqarish boshqarmasi jamoasi 3-o‘rinni egalladi.
Qayd etish joizki, mazkur chempionat yoshlar o‘rtasida kibersport bo‘yicha raqobatni rag‘batlantirish, ularning zamonaviy texnologiyalarga qiziqishini oshirishda muhim rol o‘ynamoqda.