Neft-gaz sohasida hamkorlik to‘g‘risida Bitim imzolandi
Qozog‘istonning Olmaota shahrida “O‘zbekneftgaz” AJ va “KazMunayGaz” AJ o‘rtasida neft-gaz sohasida hamkorlik to‘g‘risidagi Bitim imzolandi.
Tomonlar ochiqlik, ishonch va o‘zaro manfaatdorlik tamoyillari asosida tizimli va uzoq muddatli hamkorlikka intilishlarini tasdiqladilar. Bitim doirasida ekspertlar muloqoti, ilg‘or tajriba almashish va strategik tashabbuslarni birgalikda ishlab chiqish uchun barqaror platformani shakllantirish ko‘zda tutilgan.
Hamkorlik loyihalar geografiyasini kengaytirish, resurs bazasidan foydalanish samaradorligini oshirish, shuningdek, har ikki kompaniyaning ishlab chiqarish va transport infratuzilmasidan foydalanish imkoniyatlarini ochib beradi.
Ekspert kompetensiyalarini birlashtirish har ikki tomon biznesining barqaror rivojlanishiga hissa qo‘shadigan amaliy echimlar va tashabbuslarni ishlab chiqishga imkon beradi.
Ushbu qadam kompaniyalar o‘rtasidagi yuqori darajadagi ishbilarmonlik ishonchini aks ettiradi va Markaziy Osiyo mintaqasida tarmoq hamkorligini rivojlantirishga hissa qo‘shgan holda o‘zaro manfaatli hamkorlikni kengaytirishga yo‘nalish beradi.