Sun’iy intellekt texnologiyalari izchil joriy etilmoqda
Bugungi kunda dunyoda sun’iy intellekt nafaqat IT sohasida, balki neft-gaz tarmog‘ida ham ishlab chiqarish samaradorligini oshirish, xavfsizlikni ta’minlash va ish jarayonlarini optimallashtirishning asosiy vositasiga aylanmoqda. Jamiyat mazkur global tendensiyalarga mos ravishda ish yuritmoqda.
Konlarda olib borilayotgan izlov-qidiruv ishlarini dasturiy ta’minotlarda tahlil qilish uchun geologik, geofizik va gidrodinamik ma’lumotlar, Pipesim qatlam tizimlari modellari, ProSource ma’lumotlar bazasi hamda E-KON platformasi bilan integratsiya qilingan Generative AI chat-bot ishlab chiqilmoqda. Bu tizim mutaxassislarga tezkor va aniq tahliliy xulosalar tayyorlash imkoniyatini yaratadi.
Qayd etish joizki, Jamiyat tomonidan Microsoft 365 dasturiy ta’minoti uchun lisenziyalar sotib olindi. Bu orqali xodimlar ma’lumotni qayta ishlash, kundalik vazifalarni samarali bajarish va Microsoft Copilot sun’iy intellekt xizmatlaridan foydalanish imkoniyatiga ega bo‘ldi.
Shuningdek, jamoaviy ish jarayonlarini yanada samarali tashkil etish maqsadida ChatGPT Team platformasi joriy etiladi. Keyinchalik ChatGPT Enterprise tarif rejasiga o‘tish orqali korporativ muhitda imkoniyatlar yanada kengaytiriladi.
Ayni paytda Jamiyat burg‘ulash ishlari, neft va gazni qazib chiqarish va qayta ishlash jarayonlari, zavodlardagi ayrim tizimlarni raqamlashtirish bo‘yicha keng ko‘lamli loyihalarni boshqarish uchun Primavera P6 EPPM (Korporativ loyihalar portfelini boshqarish) tizimiga to‘liq o‘tmoqda. Tizim loyihalar ustidan yagona nazoratni ta’minlaydi, xarajatlarni aniq ko‘rsatadi, shuningdek, CIC + AI Analytics + Primavera’ni o‘z ichiga olgan Oracle ekotizimidan foydalangan holda xatarlarni oldindan boshqarishga tayyorligini ko‘rsatadi.
Ushbu platforma qurilish maydonchasigi ma’lumotlarni real vaqt rejimida (masalan, 360° video) tahlil qilish va Primavera P6 jadvallari bo‘yicha ishlar borishini avtomatik ravishda baholash uchun kompyuter texnologiyalari yordamida kuzatiladi. Bu loyihalarning bajarilishini xolisona kuzatish, kechikishlarni minimallashtirish va sun’iy intellekt yordamida boshqaruv qarorlarini qabul qilish jarayonini optimallashtirish imkonini beradi.
Ishlab chiqarish ob’yektlarining raqamli egizaklarini yaratish va sun’iy intellekt tahlili asosida ish jarayonlarini optimallashtirish masalalari ham o‘rganilmoqda. Bu usul xavf-xatarlarni oldindan aniqlash hamda ish unumdorligini oshirishi kutilmoqda.
Shu bilan birga Jamiyat xodimlari uchun sun’iy intellekt va raqamli yechimlar bilan ishlash bo‘yicha o‘quv kurslari tashkil etilmoqda. Bu kadrlar salohiyatini zamon talablariga mos ravishda rivojlantirishga xizmat qiladi.