Vakant lavozimlar uchun tanlov
“O‘zbekneftgaz” AJ Boshqaruvi raisining Gender masalalari bo‘yicha maslahatchisi lavozimi uchun ochiq tanlov e’lon qilinadi.
Gender masalalari bo‘yicha maslahatchiga qo‘yiladigan kvalifikatsiya talablar quyidagilardan iborat:
• ma’lumoti: oliy;
• mutaxassisligi: iqtisodiyot, huquqshunoslik, ijtimoiy-gumanitar fanlar, ishlab chiqarish bilan bog‘liq yo‘nalishlar (bakalavr yoki magistratura).
• tillarni bilishi: o‘zbek, rus tillari – og‘zaki va yozma nutq erkin, ingliz tili (ustunlik beradi);
• kompyuter savodxonligi: mukammal foydalanuvchi, Microsoft Offrce, Exsel, Power Point ofis dasturlarini bilish;
• ish tajribasi: ijtimoiy sohada (kasaba uyushmalari, vazirlik, idoralarning xotin-qizlar bilan ishlash kabi) kamida 5 yil bo‘lishi talab etiladi.
Bilim va ko‘nikmalar bo‘yicha talablar:
• Gender tengligi ofisi ishini muvofiqlashtirish va uning vazifalari bajarilishini nazorat qilish;
• gender tengligi tamoyillarini korporativ jarayonlarga integratsiya qilish uchun Jamiyat rahbariyati va tarkibiy bo‘linmalari bilan o‘zaro hamkorlik qilish;
• gender tengligi strategiyasida nazarda tutilgan chora-tadbirlarni amalga oshirish, shuningdek, Jamiyat Boshqaruvi raisiga Ofis faoliyati natijalari bo‘yicha hisobot taqdim etish;
• gender muvozanatiga erishish bo‘yicha maqsadli ko‘rsatkichlarni aniq belgilaydigan chora-tadbirlar rejasi va strategiyasini ishlab chiqish va amalga oshirish;
• Xodimalar professional salohiyatini rivojlantirish va amalga oshirishga qaratilgan karyeraviy va professional o‘sish tizimini yo‘lga qo‘yish;
• gender tengligini ta’minlashda anglanmagan stereotiplarning ta’sirii oldini olish va boshqa masalalar bo‘yicha o‘quv dasturlari, seminarlar va treninglar tashkil etish;
• diskriminatsiya va tengsizlik bilan bog‘liq masalalarni hal qilish uchun shikoyatlarni ko‘rib chiqish va qayta aloqa mexanizmi orqali xodimlarni qo‘llab-quvvatlashni ta’minlash;
• “Lider ayollar” murabbiylik dasturini ishlab chiqish va amalga tatbiq etish;
• mentorlik, psixologik yordam va skrining yo‘nalishlarida xorijiy ekspertlar yoki mahalliy tajribali mutaxassislarni jalb etish bo‘yicha takliflar kiritib borishdan iborat.
Nomzodlar 2025 yil 6 yanvarga qadar rezyume/anketalarini ushbu elektron manzilga yuborishlari lozim: hr@ung.uz.
Batafsil ma’lumotlar uchun +(99871) 207-27-72 (2334, 2569) telefon raqamiga murojaat etish mumkin.
Ma’lumot uchun: "O‘zbekneftgaz" AJ va uning tarkibiga kiruvchi boshqarma, zavod va korxonalarda faoliyat yurituvchi yuqoridagi talablarga mos keluvchi nomzodlar tomonidan kelib tushgan arizalar birinchi navbatda ko‘rib chiqiladi.