Zavod ishchilari obodonlashtirish ishlarida faol ishtirok etdilar
Joriy yilning 30 iyulidan 30 avgustiga qadar mamlakatimizda “Obodonlashtirish oyligi” e’lon qilingan edi.
Oylik doirasida hududlarda obodonlashtirish va ko‘kalamzorlashtirish ishlari ko‘lamini yanada kengaytirish maqsadida qator tadbirlar tashkil etilmoqda.
Xususan, Buxoro neftni qayta ishlash zavodining mehnat jamoasi ham g‘ayrat-shijoat bilan tozalash ishlarida faol ishtirok etdilar.
Uyushqoqlikda davom etgan hasharda Buxoro NQIZ hududlari va Neftchi shaharchasi tartibga keltirildi: daraxtlarning qurigan shoxlari kesildi, bo‘yaldi, piyodalar yo‘laklari tozalandi. Shuningdek, korxona syexlari yonidagi maydonlar, ariq va zovurlar tozalandi, gullar, manzarali ko‘chatlar ekildi.
Zavodda shanbalik va ekologik aksiyalar o‘tkazish an’anaga aylangan.
