March 8
Ayollarga ehtirom ko‘rsatildi
“O‘zbekneftgaz” AJ markaziy apparati va uning tasarrufidagi neft va gaz qazib chiqarish boshqarmalari, qayta ishlash zavodlari hamda korxonalarda faoliyat yuritayotgan barcha ayollar uchun bayram tadbirlari tashkil etildi.
Unda so‘zga chiqqan mas‘ullar xotin-qizlarni bayram bilan tabriklab, sohaga qo‘shib kelayotgan munosib hissalarini e‘tirof etishdi.
Bir guruh xodimlar tizimdagi samarali mehnati uchun “O‘zbekneftgaz” AJ Boshqaruv raisining “Faxriy yorliq"lari bilan taqdirladi.
Ko‘tarinki ruhda o‘tgan tadbirlarda barcha ayollarga esdalik sovg‘alari topshirildi.
