Zakovat ko‘chma kubogi g‘olib jamoaga topshirildi
"Navro‘z" bayrami munosabati bilan “Uzbekistan GTL” zavodida xodimlar o‘rtasida “Zakovat-Quiz” intellektual o‘yinlari tashkil etildi. Ushbu musobaqa har yili o‘tkaziladigan an’anaviy tadbirlardan biri bo‘lib, kompaniyaning ishchi jamoasi uchun o‘ziga xos qiziqarli va bilimdonlikni sinash imkonini beradi.
Bu yilgi inklyuziv intellektual o‘yin ham qiziqarli va murosasiz o‘tdi. Unda 21 ta jamoa ishtirok etib, ularning har biri o‘zlarining bilimi, fikrlash qobiliyatini sinashdi.
Gʻolib bo‘lgan jamoalar munosib taqdirlandi. Eng asosiy rag‘batlantiruvchi mukofot - “Zakovat” ko‘chma kubogi birinchi o‘rinni egallagan “Accounts” jamoasiga topshirildi.
Intellektual o‘yinlarning muntazam tashkil etilishi xodimlarning nafaqat bilim va tafakkurini charxlash, balki jamoaviy ishlash, tezkor fikrlash hamda strategik rejalashtirish kabi ko‘nikmalarini ham rivojlantirishga xizmat qiladi.