Xotin-qizlar o‘rtasida “Zakovat” intellektual bellashuvi o‘tkazildi
"O‘zbekneftgaz" AJ tomonidan tizim tasarrufidagi tashkilotlar ishchi-xodimlari ijtimoiy faolligini oshirish, bo‘sh vaqtlarini mazmunli o‘tkazishlari va iqtidorlarini namoyon etishlariga imkon beruvchi intellektual o‘yinlarni muntazam tashkil etib kelinmoqda.
Ana shunday tadbirlardan biri Sho‘rtan gaz kimyo majmuasi xotin-qizlari o‘rtasida o‘tkazildi. Unda korxona tarkibidagi turli bo‘linma, xizmat, tarmoq va bo‘limlardan jami 17 ta jamoa ishtirok etdi.
Qiziqarli va munozaralarga boy o‘tgan musobaqada ishtirokchilar bilim va zakovatlarini sinovdan o‘tkazib, jamoaviy ishlash qobiliyatlarini namoyon etdilar.
Bellashuv natijalariga ko‘ra, "Yangi yulduzlar" jamoasi birinchi, "Smart lady" jamoasi ikkinchi, "Avrora" jamoasi esa uchinchi o‘rinni egalladi.
Gʻolib va sovrindor jamoalar tantanali ravishda taqdirlanadi.
