Iqtidorli talabalarga amaliyot o‘tash imkoni berilmoqda
"Sho‘rtan gaz kimyo majmuasi" MCHJ tomonidan Islom Karimov nomidagi Toshkent Davlat texnika universitetining 3-bosqich talabalari orasidan iqtidorli yoshlarni amaliyot dasturiga tanlab olish maqsadida imtihonlar o‘tkazilishi boshlandi.
Amaliyot dasturi sun’iy intellekt, energetika, elektr energetikasi, texnikasi, mexanikasi va texnologiyalari, elektronika va asbobsozlik, texnologik jarayonlar va ishlab chiqarishni avtomatlashtirish, mexatronika va robototexnika, intellektual muhandislik tizimlari, neft-gaz kimyo sanoati texnologiyasi kabi yo‘nalishlar bo‘yicha tashkil etiladi.
Imtihonlarning har bir bosqich natijalari majmuaning rasmiy veb-sayti va telegram kanali orqali e’lon qilib boriladi.
Amaliyot dasturi g‘oliblari 2024-2025-o‘quv yilidagi amaliyot davrida "Sho‘rtan gaz kimyo majmuasi" MCHJda barcha zarur shart-sharoitlarga ega bo‘lgan amaliyot jarayonini o‘tash imkoniyatiga ega bo‘ladilar.
Batafsil ma’lumotlar uchun +(998) 90 393 68 68 telefon raqamiga murojaat etish mumkin.