Bugun 11 noyabr - O‘zbekiston Kasaba uyushmalari kuni!
Shu munosabat bilan "O‘zbekneftgaz" AJ tizimidagi zavod, boshqarma hamda korxonalarda "Inson qadri uchun, el-yurt baxti uchun!" shiori ostida bir qator madaniy-ma'rifiy tadbirlar, sport musobaqalari, sayohatlar tashkil etildi.
Ishchi-xodimlar o‘rtasida sportning mini-futbol, shaxmat, shashka, stol-tennisi, gimnastika kabi turlari bo‘yicha musobaqalar hamda "Zakovat" intellektual o‘yinlari o‘tkazildi.
Mehnat faxriylari, kasaba uyushma qo‘mitasi faollari ishtirokida davra suhbatlari o‘tkazilib, kasaba uyushma qo‘mitasining esdalik sovg‘alari va diplomlari bilan taqdirlandilar.
Bayram arafasida korxonalarda taniqli san'atkor va xonandalar ishtirokida kontsert dasturlari namoyish etilib, kasaba uyushma qo‘mitasi faollari Xiva, Toshkent, Samarqand, Buxoro shaharlariga sayohatlarga olib borildi.
“O‘zbekneftgaz” AJ xotin-qizlar masalalari bo‘yicha jamoatchilik kengashi tomonidan ushbu sanaga bag‘ishlanib, ayollar o‘rtasida fleshbomlar o‘tkazildi.
