Amerikalik investorlar bilan hamkorlik mustahkamlanmoqda
“O‘zbekneftgaz” AJ delegatsiyasi AQSHning Nyu-York shahrida hamkorlar va investorlar bilan uchrashuvlar o‘tkazdi.
Tashrif doirasida xalqaro banklar, institusional investorlar, shu bilan birga, kompaniya yevroobligatsiyalari egalari bilan yuzma-yuz muzokaralar olib borildi.
Uchrashuvlarda AQSHning yetakchi investitsiya kompaniyalari — “MetLife”, “CalPERS”, “Marathon”, “Payden & Rygel”, “MFS”, “Aegon”, “HSBC Asset Management” hamda “Artisan Partners” kabi yirik kompaniya vakillari ishtirok etdi.
Muloqotda “O‘zbekneftgaz” AJ tomonidan so‘nggi yillardagi yutuqlar, amalga oshirilayotgan muhim loyihalar, barqaror rivojlanish ko‘rsatkichlari va istiqboldagi rejalar haqida batafsil ma’lumot berildi.
Shuningdek, tomonlar sohaga oid so‘ngi yangiliklar va istiqboldagi rejalar yuzasidan ham o‘zaro fikr almashdilar.
Bu kabi muloqotlar hamkorlikni yanada mustahkamlash, yangi sarmoyalarni jalb qilish hamda “O‘zbekneftgaz” AJning xalqaro maydondagi imijini yanada tanitishda muhim ahamiyat kasb etadi.