July 29
Bolalarni tabiiy resurslarni tejashga o‘rgatamiz
Buxoro neftni qayta ishlash zavodiga qarashli “Neftchi” bolalar oromgohida “Quvvat” multserialining taqdimoti bo‘lib o‘tdi.
“Quvvat” - bolalar e’tiborini tabiiy resurslardan oqilona foydalanishga jalb etish maqsadida yaratilgan. Multserial bolalarga suv, gaz va elektr energiyasini tejashning amaliy usullar orqali o‘rgatadi.
Taqdimot samimiy va do‘stona muhitda o‘tdi. Oromgoh ustoz va tarbiyachilari multserial bolalarda resurslar va atrof-muhitga ongli munosabatni shakllantirishda yordam berishiga ishonch bildirishdi.
Namoyishdan so‘ng animatorlar tomonidan mavzuga oid ko‘ngilochar o‘yinlar, turli tanlovlar tashkil etildi. Bu bolalarga olgan bilimlarini mustahkamlash imkonini berdi.