“Breyn ring” bilimlar bellashuvlari g‘oliblari aniqlandi
"O‘zbekneftgaz" AJ tasarrufidagi korxona va tashkilotlarda faoliyat yuritayotgan yoshlar va xotin-qizlar o‘rtasida o‘tkazilayotgan "Intellektual olimpiada-2025" musobaqasining 1-chorak yakuni bo‘yicha natijalar e’lon qilindi.
Mazkur olimpiada 5 turdan iborat bo‘lib, bellashuvlar yilning 4 ta choragiga taqsimlangan. Dastlabki 1-turda xotin-qizlar jamoalari o‘rtasida "Zakovat" va "Zakovat Quiz" o‘yinlari o‘tkazilgani haqida xabar berilgan edi.
2-turda yoshlar o‘rtasida "Breyn ring" bilimlar bellashuvlari o‘tkazildi. Musobaqa yakuniy natijasiga ko‘ra 1-o‘rin Muborak gazni qayta ishlash zavodi, 2-o‘rin Sho‘rtan gaz kimyo majmuasi, 3-o‘rin “O‘zbekneftgaz” AJ Markaziy apparati jamoasiga nasib etdi.
Keyingi turlarda yoshlar o‘rtasida "Zakovat", "Zakovat Quiz" va "Xamsa" kabi intellektual o‘yinlar tashkil etiladi.
Bilimdonlarimizga kelgusi bellashuvlarda ham omad va zafarlar tilaymiz.