“O‘zbekneftgaz” mahsulotlari Turkmanistondagi ko‘rgazmada namoyish etildi
Turkmanistonda tashkil etilgan "Made in Uzbekistan" ko‘rgazmasida “O‘zbekneftgaz” AJ ham o‘z stendi bilan ishtirok etdi.
Ko‘rgazma savdo-iqtisodiy aloqalarni mustahkamlash va o‘zaro manfaatli munosablarni rivojlantirishga qaratilgan muhim qadam bo‘lib, bu tadbir O‘zbekiston va Turkmaniston o‘rtasidagi hamkorlikni yanada kuchaytirishga ko‘maklashadi.
“Uzbekistan GTL” zavodining yangi turdagi sintetik, “Uz-Kor Gas Chemical” qo‘shma korxonasi va Sho‘rtan gaz kimyo majmuasining yuqori sifatli polimer, Buxoro neftni qayta ishlash zavodining keng spektrdagi yoqilg‘i mahsulotlari ishtirokchilarda katta qiziqish uyg‘otdi.
Tadbir bevosita biznes aloqalarni yo‘lga qo‘yish, qo‘shma sanoat kooperatsiyasi loyihalarini amalga oshirish va o‘zaro manfaatli savdo shartnomalarini tuzishni nazarda tutgan holda amaliy hamkorlik istiqbollarini muhokama qilish uchun muhim platforma bo‘lib xizmat qildi.
