“Uzbekistan open” III xalqaro turnirida vakillarimiz g‘olib bo‘lishdi
“Yunusobod” sport majmuasida kikboksing bo‘yicha Uzbekistan open" III xalqaro turniri bo‘lib o‘tdi.
Nufuzli musobaqada dunyoning 28 mamlakatidan 10 yoshdan 40 yoshgacha bo‘lgan jami 1600 nafar yakka kurashchi kikboksning 6 ta yo‘nalishida o‘zaro kuch sinashishdi.
WAKO Umumjahon kikboksing assotsiatsiyasi vitse-prezidenti Salim Kayichi hamda WAKO Asia - Osiyo kikboksing assotsiatsiyasi prezidenti Nasser Nasseri bevosita bahslarni kuzatib borish uchun yurtimizga tashrif buyurdi.
Musobaqada qatnashgan Buxoro neftni qayta ishlash zavodi xodimi Ferangiz Hoshimova shiddatli va murosasiz kechgan janglarda lou-kik yo‘nalishida 52 kg vaznda 3-o‘rinni egalladi.
Shuningdek, “Neftchi” sport-sog‘lomlashtirish majmuasi a’zosi Jasur Qo‘ziyev lou-kik yo‘nalishida 75 kg vaznda ikkinchi o‘rinni qo‘lga kiritdi.
Hamkasblarimizni ushbu yutuqlari bilan tabriklab, faoliyatlarida ulkan zafarlar tilaymiz.