Ishlab chiqarishni rivojlantiruvchi g‘oyalar tanlab olindi
Buxoro neftni qayta ishlash zavodida “Eng yaxshi rasionalizator-2024” ko‘rik-tanlovi yakunlari sarhisob qilindi.
Tanlovdan maqsad ishlab chiqarish jarayonlarini optimallashtirish, resurslarni tejash va zavod samaradorligini oshirishga qaratilgan innovatsion g‘oyalarni rag‘batlantirish. Ishtirokchilar tomonidan 15 ta ratsionalizatorlik taklif taqdim etildi. Qayd etish joizki, ularning har biri o‘zgacha ijodiy yondashuv va muhandislik yechimlarni aks ettiridi.
Ratsionalizatorlik faoliyati nafaqat ichki rivojlanish vositasi, balki korxona raqobatbardoshligini oshirishga real hissa qo‘shadi. Tanlov ishtirokchilari takliflari zavodning yetakchi mutaxassislaridan iborat komissiya tomonidan puxta o‘rganib chiqildi.
Nomzodalar taqdim etgan g‘oyalarni baholashda vazifaning dolzarbligi, g‘oyaning yangiligi, tatbiq qilinishi, korxona uchun kutilayotgan samarasiga e’tibor qaratildi.
Tanlovda “Buxoro NQIZning eng yaxshi ratsionalizatori-2024”, “Eng yaxshi yosh ratsionalizator-2024” nominatsiyalari bo‘yicha g‘oliblar aniqlandi.