Neft va gaz korxonalarida Kasaba uyushmalari kuni keng nishonlandi
“O‘zbekiston kasaba uyushmalari kunini belgilash to‘g‘risida”gi Qonunga muvofiq “11 noyabr – O‘zbekiston Respublikasi kasaba uyushmalari kuni” deb belgilanishi kasaba uyushmalari tarixida unutilmas tarixiy voqea bo‘ldi.
Ushbu bayram arafasida “O‘zbekneftgaz” AJ tomonidan ishchi-xodimlar uchun madaniy-ma’rifiy va sport tadbirlari tashkil etildi.
Jumladan, tizim korxonalarida mehnat qilayotgan ishchi-xodimlar o‘rtasida sportning mini-futbol, voleybol, shaxmat, shashka, stol-tennisi kabi turlari bo‘yicha musobaqalar o‘tkazildi.
Kasaba uyushma qo‘mitalari tomonidan korxonalarda "Zakovat" intellektual o‘yinlari o‘tkazildi.
Shuningdek, “Yurt taraqqiyoti yo‘lida birlashaylik”, “Kasaba uyushmalari bugun va kelajakda” mavzusida davra suhbatlari o‘tkazilib, faollar va faxriylar esdalik sovg‘alar va diplomlar bilan taqdirlandilar.
Bayram tadbirlari doirasida taniqli san’atkorlar ishtirokida sahnalashtirilgan teatr tomoshalari namoyish etildi hamda Toshkent, Samarqand, Buxoro, Kitob shaharlariga sayohatlarga olib borildi.
