Нефть ва газ корхоналарида Касаба уюшмалари куни кенг нишонланди
“Ўзбекистон касаба уюшмалари кунини белгилаш тўғрисида”ги Қонунга мувофиқ “11 ноябрь – Ўзбекистон Республикаси касаба уюшмалари куни” деб белгиланиши касаба уюшмалари тарихида унутилмас тарихий воқеа бўлди.
Ушбу байрам арафасида “Ўзбекнефтгаз” АЖ томонидан ишчи-ходимлар учун маданий-маърифий ва спорт тадбирлари ташкил этилди.
Жумладан, тизим корхоналарида меҳнат қилаётган ишчи-ходимлар ўртасида спортнинг мини-футбол, волейбол, шахмат, шашка, стол-тенниси каби турлари бўйича мусобақалар ўтказилди.
Касаба уюшма қўмиталари томонидан корхоналарда "Заковат" интеллектуал ўйинлари ўтказилди.
Шунингдек, “Юрт тараққиёти йўлида бирлашайлик”, “Касаба уюшмалари бугун ва келажакда” мавзусида давра суҳбатлари ўтказилиб, фаоллар ва фахрийлар эсдалик совғалар ва дипломлар билан тақдирландилар.
Байрам тадбирлари доирасида таниқли санъаткорлар иштирокида саҳналаштирилган театр томошалари намойиш этилди ҳамда Тошкент, Самарқанд, Бухоро, Китоб шаҳарларига саёҳатларга олиб борилди.
