“Ўзбекнефтгаз”: Газни амин ёрдамида олтингугуртдан тозалаш қурилмаси режали таъмир учун 10 кун муддатга тўхтатилди

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғи билан нефть ва газни қайта ишлаш заводларининг ишлаб чиқариш қувватларини тиклаш ҳамда технологик қурилмаларда амалга ошириладиган режали огоҳлантирувчи таъмирлаш ишларини сифатли ва ўз вақтида бажариш борасида бир қатор чора-тадбирлар белгилаб олинган.

Хусусан, Шўртан нефть ва газ қазиб чиқариш бошқармасига қарашли 2-сонли газни амин ёрдамида олтингугуртдан тозалаш қурилмасида (АСО-2) йиллик тасдиқланган режали огоҳлантирувчи таъмирлаш жадвалига асосан режали таъмирлаш ишларини олиб бориш учун 10 кун муддатида тўхтатилди.

Жорий йилнинг 10 августда қурилма тўлиқ тўхтатилиб босимсизлантирилди. Кимёвий қоришма (ДЭА диэтаноламин) тўкилиб, кириш ва чиқиш қувурларига тиқинлар ўрнатилди.

Таъмирлаш ишларини олиб бориш вақтида, ушбу қурилмани модернизация қилиш лойиҳаси асосида келтирилган "EBARA" насосларида Қозоғистоннинг “AVC GROUP” компанияси мутахассислари иштирокида қўшиш-тайёргарлик ишлари олиб борилди. Маълумот учун айтиш жоизки, ушбу компания “EBARA GREAT PUMPS CO.,LTD” компаниясининг МДҲ давлатлари бўйича ҳамкор ташкилоти ҳисобланади.

Бундан ташқари, насосларнинг сув билан совитиш ва механик зичламалари системаси кўздан кечирилди. Созлаш ва ишга тушириш мақсадида 2 тўплам асосий ва 2 та тўплам ёрдамчи насослари ҳам “AVC GROUP” компанияси мутахассислари томонидан 1-назорат текшируви ишлари олиб борилди. Компания мутахассисларини тавсиясига биноан электродвигатель эркин ҳолатида 2 соат ишлатилди. Режа бўйича биринчи асосий насос 72 соат ишлатиб кўрилганидан сўнгра тармоқга қўшилади.

Амин ёрдамида газни олтин гугуртдан тозалаш қурилмаси йиллик тасдиқланган режали огоҳлантирувчи таъмирлаш жадвалига асосида белгиланган вақтидан олдин ишга қўшишга эришилди. Ҳозирда қурилма босқичма-босқич тўлиқ қувват билан ишга туширилмоқда.

Таъмирлаш жараёнларида Ишлаб чиқаришни техник тартибга солиш департаменти ва тегишли департамент мутахассислари билан хамкорликда назорат қилиб борилмоқда.

Маълумот учун: Газни амин ёрдамида олтингугуртдан тозалаш қурилмаси 1992 йил ишга турилган бўлиб, қуввати соатига 250 минг куб метр газни қайта ишлашга мўлжалланган.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш