“Ўзбекнефтгаз”: Газларни цеолит ёрдамида олтингугуртли бирикмалардан тозалаш цехи таъмирлаш ишлари олиб борилмоқда

Бош саҳифа Русский

“Ўзбекнефтгаз” АЖнинг Нефть ва газ қазиб чиқариш, конларни ишлатиш секциясининг илмий-техник йиғилиш баённомаси асосида Шўртан нефть ва газ қазиб чиқариш бошқармасига қарашли Бош иншоотнинг газларни цеолит ёрдамида олтингугуртли бирикмалардан тозалаш цехининг 4-блокига тегишли Т/О-4/1 “газ-газ” иссиқлик алмашиниш аппаратини конструкциясига ўзгартириш киритиб таъмирлаш бўйича ишлар олиб борилмоқда.

Шўртан нефть ва газ қазиб чиқариш бошқармаси(НГҚЧБ)га қарашли Бош иншоотнинг Газларни цеолит ёрдамида олтингугуртли бирикмалардан тозалаш цехининг блокларида қайта ишланаётган табиий газнинг сифат кўрсаткичини таъминлашда ва адсорберларга юкланган цеолитларни регенерация қилишда иштирок этадиган “газ-газ” теплообменник ускуналарининг ишчи ҳолатда бўлиши муҳим аҳамиятга эга.

Газларни цеолит ёрдамида олтингугуртли бирикмалардан тозалаш цехининг 4-блокига тегишли Т/О-4/1 (1200ТПК-80-Б11/25-6-ТУ1) “газ-газ” иссиқлик алмашиниш аппарати қувурларида, техник кўрик асосида, коррозия ва эррозия аломатлари мавжудлиги аниқланган ҳамда қувурларнинг металлари бўйича олиб борилган таҳлилларда “қониқарсиз” хулосаси олинган.

Қолаверса, қувурлар панжараси, маҳкамловчи қисмлар ва иссиқлик компенсаторининг ишга яроқсизлиги аниқланган. Сув билан синаш пайтида эса қувурларнинг ички ва вальцовка қисмларидан сув сизиб чиқиши ҳолатлари кўзатилган.

Юқоридагиларни инобатга олиб, бугунги кунда “Чирчиқмаш” АЖда ускунани конструкциясига ўзгартириш киритиб таъмирлаш ва ишчи ҳолатга келтириш ҳамда самарадорлигини ошириш бўйича ишлар олиб бориляпти.

Ишлаб чиқаришни техник тартибга солиш департаментининг бош механик бўлими мутахассислари томонидан таъмирлаш ишлари назоратга олинган бўлиб ишлаб чиқариш цехига бориб ўрганишлар олиб борилди ҳамда ишлаб чиқилган таъмир чизмаси бўйича изоҳ ва тавсиялар берилди.

Юқорида келтирилган ишлар Шўртан НГҚЧБга қарашли Бош иншоотнинг Газларни цеолит ёрдамида олтингугуртли бирикмалардан тозалаш цехининг блоклари узлуксиз ишлашини таъминлаш мақсадида амалга оширилмоқда.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш