“Ўзбекнефтгаз” АЖ Бошқаруви раиси Меҳриддин Абдуллаев бошчилигидаги делегация Лондонда “Legal & General” инвестиция компанияси раҳбарияти билан учрашди

Бош саҳифа Русский

Еврооблигациялар эгалари билан доимий мустаҳкам алоқада бўлиб туриш, уларни “Ўзбекнефтгаз” АЖнинг жорий молиявий-хўжалик фаолияти борасида мунтазам хабардор қилиб бориш мақсадида иккитомонлама учрашувлар ташкил қилинди. Шунингдек, амалдаги ҳамкорлар ва ҳамкорлик қилиш режалаштирилган инвестиция салоҳияти юқори бўлган компания вакиллари билан ҳам муҳим учрашувлар ўтказилди.

“Ўзбекнефтгаз” АЖ Бошқаруви раиси Меҳриддин Абдуллаев бошчилигидаги делегация аъзолари Жамиятнинг инвестицион Англиянинг Лондон шаҳрида “Legal & General” инвестиция компанияси вакиллари билан учрашишди.

Учрашувда “Legal & General” вакиллари Ўзбекистон Республикаси нефт-газ ва банк-молия соҳаларида амалга оширилаётган ислоҳотлар билан, компаниянинг жорий фаолияти билан, амалга оширилаётган трансформацион лойиҳалар билан, шунингдек сўнгги йилларда эришилган натижалар билан таништирилди.

Таъкидлаш лозимки, инвесторларни айниқса “Ўзбекнефтгаз” АЖнинг умумий қиймати 700 млн АҚШ доллари бўлган еврооблигацияларининг муваффақиятли чиқарилиши ҳамда “Uzbekistan GTL” заводида ишлаб чиқарила бошланган маҳсулотлар қизиқиш уйғотди.

“Ўзбекнефтгаз” АЖ Бошқарув раиси “Uzbekistan GTL” заводида Ўзбекистон нефт ва газ-кимёси саноатининг тарихда биринчи синтетик GTL дизель маҳсулоти ишлаб чиқарилгани ва илк маҳсулот олингани, маҳсулот харидорларга етказиб берила бошлангани ҳам маълумотлар берди.

“Legal & General” компанияси вакиллари ўзаро манфаатли ҳамкорликни йўлга қўйишга тайёрликларини қайд этиб, Ўзбекнефтгаз АЖ эҳтиёжларини ҳисобга олган ҳолда молиявий маҳсулотлар бўйича таклифлар бериш учун зарур материалларни қўшимча ўрганишни таклиф қилди.

Учрашув якунида доимий алоқаларни давом эттириш бўйича келишувга эришилди ва ҳамкорликнинг барча мавжуд истиқболли йўналишларини ўзаро ишлаб чиқишга келишиб олинди.

Малумот учун: “Legal & General” Британиянинг суғурта ва инвестиция компанияси бўлиб, Англияда активларни бошқариш бозорида энг йирик компаниялардан ҳисобланади. Бошқарилаётган активлар миқдори 2020 йил охирига 1,279 трлн. еврони ташкил этди.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш