“Ўзбекнефтгаз”: Тюмень нефть-газ кластери билан ўзаро манфаатли ҳамкорлик масалалари муҳокама қилинди

Бош саҳифа Русский

Аввал хабар берилганидек, жорий йилнинг 14-18 ноябрь кунлари “Ўзэкспомарказ”да бўлиб ўтган Республика тармоқлараро саноат ярмаркасида “Ўзбекнефтгаз” АЖ ҳам иштирок этди.

Ушбу тадбирни ташкил этишдан мақсад маҳаллий ишлаб чиқарувчи корхоналарни қўллаб-қувватлаш, саноатда кооперация алоқаларини ривожлантириш ҳамда маҳаллий ишлаб чиқарувчи корхоналар шу жумладан, кичик бизнес ва хусусий тадбиркорлик субьектлари томонидан ишлаб чиқарилаётган маҳсулот турларини ўрганиб чиқиш, келгусида саноат кооперациясини йўлга қўйиш ва иш кўламини кенгайтириш учун 2023 йил эҳтиёжлари учун буюртмалар портфелини шакллантиришдан иборат эди.

Таъкидлаш жоизки, беш кунлик саноат ярмаркасида иккитомонлама ҳамкорликни ўрнатиш ва янада кенгайтиришга қаратилган амалий ишчи музокара ва учрашувларга жуда бой бўлди.

Жумладан, кўргазма доирасида Россия федерациясининг Тюмень вилояти инвестиция сиёсати ва тадбиркорликни Давлат томонидан қўллаб-қувватлаш департаменти директори Машуков Антон Андреевич билан музокаралар бўлиб ўтди.

Музокараларда Тюмень нефть-газ кластери билан ўзаро манфаатли ҳамкорлик ва шериклик ўрнатиш масалалари муҳокама қилинди.

Тюмень нефть ва газ минтақалараро кластери нефть ва газ бозорининг турли иштирокчилари - нефть ва газ ишлаб чиқарувчи корхоналар, ускуналарни ишлаб чиқарувчилар, нефть конларига хизмат кўрсатувчи компаниялар, саноат илмий-тадқиқот институтларини бирлаштиради. Уларнинг асосий мақсади ускуна ва хизматларда импорт улушини камайтиришдир.

Учрашув якунлари бўйича қуйдаги келишувларга эришилди:

• Тюмень нефть ва газ минтақалараро кластери ва “Ўзбекнефтгаз” АЖ томонидан ишлаб чиқарилган маҳсулотлар ва хизматлар бўйича батафсил маълумотлар ҳамда импорт ўрнини босиш учун зарур бўлган ускуналар реестри билан таъминлаш;

• келгусидаги ҳамкорликнинг истиқболли йўналишларини аниқлаш мақсадида икки томон тақдим этилган материалларни ўрганиш;

• стратегик ривожланиш, инвестиция дастурлари ва нефть-газ саноатида амалга оширилаётган лойиҳалар соҳасидаги ҳамкорлик;

Шунингдек, 1 декабрь 2022 йилда Тюменда бўлиб ўтадиган экспорт Форум-2022 (ТЭФ-2022)да “Ўзбекнефтгаз” АЖ вакилларининг ташрифи режалаштириб олинди.

Томонлар ушбу келишувларни амалга ошириш мақсадида "Ўзбекнефтгаз" АЖ ва Тюмень вилояти нефт-газ компаниялари ўртасида видеоконференция шаклида "Етказиб берувчилар куни" ўтказишни мақсад қилинди.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш