“Ўзбекнефтгаз”: “Тиллали” конидаги қудуқда перфорация ишларидан сўнг кунлик 110 минг куб метр табиий газ ва 1 тонна конденсат оқими олинди
“Ўзбекнефтгаз” АЖ Бошқаруви раиси Меҳриддин Абдуллаев топшириғига асосан конларда табиий газ қазиб чиқаришни кўпайтириш, углеводородлар захирасини ошириш мақсадида кенг кўламли ишлар амалга оширилмоқда.
Жумладан, қудуқларда капитал таъмирлаш ишларини бажариш баробарида, янги қудуқлар бурғиланиб, тугатилган қудуқлар мажмуасида турганлари қайта таъмирланиб ишга қўшилмоқда.
“Ўзбекнефтгаз” АЖ Устюрт газ қазиб чиқариш бошқармасига қарашли “Тиллали” конидаги 3-сонли қудуқда “Устирт ҚҚБ” МЧЖ мутахассислари томонидан олиб борилган капитал таъмирлаш ишларидан сўнг қудуқ ишга туширилди. Ушбу қудуқда 2845-2841 метр, 2784-2780 метр оралиқларида перфорация ишлари олиб борилди.
Тезкор олинган маълумотларга кўра, ўзлаштириш натижасида қудуқдан ўртача кунлик 110 минг куб метр саноат миқёсида табиий газ ва 1 тонна газ конденсати қазиб чиқариш учун шлейф қувурларини ўрнатиш ишлари давом эттирилмоқда.
Маълумот учун: “Тиллали” газконденсат кони Қорақалпоғистон Республикасининг Мўйноқ туманида жойлашган.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш
|web-sayt|facebook|instagram|telegram|vk.com|YouTube|twitter|