"Ўзбекнефтгаз”: "Жанубий Муборак" конида қайта таъмирланган қудуқдан табиий газ ва конденсат қазиб олина бошланди
“Ўзбекнефтгаз” АЖ Бошқаруви раиси Меҳриддин Абдуллаев топшириғига асосан конларда табиий газ қазиб чиқаришни кўпайтириш, углеводородлар захирасини ошириш мақсадида кенг кўламли ишлар амалга оширилмоқда.
Жумладан, қудуқларда капитал таъмирлаш ишларини бажариш баробарида, янги қудуқлар бурғиланиб, тугатилган қудуқлар мажмуасида турганлари қайта таъмирланиб ишга қўшилмоқда.
“Ўзбекнефтгаз” АЖ Муборак нефть ва газ қазиб чиқариш бошқармасига қарашли “Жанубий Муборак” конининг 10 ОЭ-сонли қудуқда олиб борилган капитал таъмирлаш ишлари ҳам муваффақиятли якунланди.
Жумладан, қудуқда сувланган оралиқларини ёпиш ва қўшимча оралиқларини отиш ишлари олиб борилди. “Ўзнефтгазқудуқтаъмирлаш” АЖ мутахассислари томонидан олиб борилган капитал таъмирлаш ишлардан сўнг, қудуқ ишга туширилди.
Қудуқда 1957-1960 метр оралиғи перфорация килинди ва узлаштириш ишлари ўтказилди. Ўзлашитириш ишларидан сўнг қудуқдан кунлик 75 минг куб метр саноат миқёсида табиий газ ва 0,8 тонна газ конденсати қазиб чиқарилишига эришилди.
Маълумот учун: “Жанубий Муборак” газконденсат кони Қашқадарё вилоятининг Муборак туманида жойлашган.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш