“Ўзбекнефтгаз”: “Тўрақўрғон нефть базаси” куз-қиш мавсумига шай ҳолатга келтирилмоқда

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаев топшириғи билан куз-қиш мавсумида аҳолининг табиий ва суюлтирилган газга ҳамда нефть маҳсулотларига бўлган талабини қондириш ва мавсумни беталофат ўтказиш мақсадида тизимли чора-тадбирлар амалга оширилмоқда.

Нефть ва газ қазиб чиқариш бошқармаларнинг 2022/2023 йиллар куз-қиш мавсумда асосий муҳандислик коммуникациялари, технологик асбоб-ускуналари барқарор ишлашга тайёрлаш ҳамда углеводородларни қазиб чиқариш, қайта ишлаш қурилмаларда амалга ошириладиган режали таъмирлаш ишларини сифатли ва ўз вақтида бажариш мақсадида бир қатор чора-тадбирлар белгилаб олинган:

Хусусан, “Тўрақўрғон нефть базаси” МЧЖ ва тасарруфдаги филиалларда жами 13 дона 9255 куб метр сиғимлар тозаланди, 10 дона 750 куб метр сиғимларда бўёқлаш ишлари олиб борилмоқда. 2 дона УСН-175 (пастки тўкиш) ускунаси таъмирланди, 2500 метр ҳар хил диаметрли технологик қувурлар, барча сиғимлардаги ҳаво клапанлари,
1 дона АСН (автоматик қуйиш) ускунаси таъмирланди ҳамда барча ускуналар соз ҳолатда эканлиги текширувдан ўтказилди.

Шу билан бир қаторда асосий муҳандислик коммуникацияларида қуйидаги ишлар амалга оширилмоқда:

• Мой маҳсулотлари қуйиш насосхонада таъмирлаш ишлари, ёнғин хавфсизлиги қалқони тўлиқ комплектация ҳолатига келтириш;

• 2 та қозонхоналарни ва 2 та қозонни жорий таъмирлаш,

Чуст ва Уйчи филиалларида 2 та сиғимни мукаммал таъмирлаш, 100 метр иссиқлик тармоқларини изоляция қилиш, 50 метр сув тармоқларини таъмирлаш режалаштирилган.

Ишчи ходимларни мавсум учун белгиланган меъёр бўйича керакли махсус кийим-бош ва пойабзал билан таъминлаш ишлари бажарилмоқда.

Маълумот учун: “Тўрақўрғон нефть базаси” МЧЖнинг Уйчи, Учқўрғон, Чуст ва Поп филиаллари мавжуд бўлиб, уларда жами 30 та ФЁТШ ҳамда 2 та АЁҚШ истеъмолчиларга хизмат кўрсатиб келмоқда. Вилоят қишлоқ ва халқ хўжалигига жами 92 та автоёнилғикашлар ва 43 та АТУ тракторлари орқали нефть маҳсулотлари узлуксиз етказиб берилмоқда.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш