“Ўзбекнефтгаз”: Биржа савдолари орқали тадбиркорларга 113,7 минг тонна полиэтилен ҳамда 56,7 минг тонна полипропилен маҳсулотлари етказиб берилди

Бош саҳифа Русский

Ўзбекистон Республикаси Президентининг 2017 йил 14 ноябрдаги ПҚ-3386-сонли қарорига мувофиқ полиэтилен маҳсулоти ички бозорда фақат биржа савдолари орқали бозор тамойиллари асосида сотиладиган юқори ликвидли ва монопол турдаги маҳсулотлар рўйхатига киритилган.

Шунингдек, Ўзбекистон Республикаси Президентининг 2017 йил
8 сентябрдаги ПФ-5185-сон Фармони билан тасдиқланган “Ўзбекистон Республикасида Маъмурий ислоҳотлар Концепцияси”да соғлом рақобат муҳитининг ривожланишини чеклаётган алоҳида хўжалик юритувчи субъектларга эксклюзив ҳуқуқлар, индивидуал имтиёзлар ҳамда преференциялар бериш амалиётидан воз кечиш белгиланган.

Ушбу топшириқларнинг ижросини таъминлаш мақсадида "Ўзбекнефтгаз" АЖ тизимига кирувчи ташкилотлар томонидан белгиланган режага асосан биржа савдолари орқали Республика ҳудудида фаолият олиб бораётган тадбиркорларга сотилган полиэтилен ҳамда полипропилен маҳсулотлари юклаб берилмоқда.

“Ўзбекнефтгаз” АЖ Тижорот департаментининг тезкор маълумотларига асосан, жорий йил 1 январидан - 31 август санасига қадар жами 113,7 минг тонна полиэтилен ёки режага нисбатан 127 фоиз ҳамда 56,5 минг тонна полипропилен ёки режага нисбатан 112% маҳсулотлар истемолчиларга юклаб жўнатилди.

Жумладан, 84,2 минг тонна полиэтилен Шўртан газ кимё мажмуаси, 29,5 минг тонна полиэтилен ва 56,5 минг тонна полипропилен "Uz-kor gaz chemical" қўшма корхонаси ҳиссасига тўғри келади. Бундан ташқари август ойининг режаси 11,2 минг тонна бўлиб, ой якунида 15,3 минг тонна ёки белгиланган режа 137% (фоиз)да полиэтилен юклаб жўнатилган.

Ушбу корхоналар томонидан ишлаб чиқарилаётган полиэтилен ҳамда полипропилен маҳсулотлари Республика ҳудудида фаолият олиб бораётган тадбиркорларга белгиланган тартибда юклаб жўнатилиши бўйича барча чоралар кўрилмоқда.

Эслатиб ўтамиз, юқори ликвидли ва монополия маҳсулотларни реализация қилишда бозор механизмларини қўллаш, биржа савдоларида шаффофлик даражасини ошириш ва соғлом рақобат муҳитини ривожлантириш, шунингдек сув тежовчи технологияларни янада жадаллаштириш мақсадида Ўзбекистон Республикаси Президентининг 2021 йил 24 февралдаги 5005-сонли қарорига асосан 2021 йилдан бошлаб республикада ишлаб чиқарилган полиэтилен маҳсулотининг экспорти тўлиқ тўхтатилган бўлиб, фақат ички бозорга биржа савдолари орқали йўналтирилган.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш