“Ўзбекнефтгаз”: “Uzbekistan GTL” заводида ишлаб чиқарилган синтетик дизель ёнилғиси афзалликлари – юқори экологик ва операцион кўрсаткичларидир

Бош саҳифа Русский

Ҳозирги кунда дизель ёнилғиси ҳақли равишда саноат ривожида асосий ўринлардан бирини эгаллаган. Ички бозор асосий таъминотчиси сифатида эътироф этилаётган “Uzbekistan GTL” заводи томонидан ишлаб чиқарилган синтетик (GTL) дизель ёнилғиси афзалликлари – юқори экологик ва операцион кўрсаткичларидир.

“GTL” дизель ёнилғиси патентланган “Sasol” технологиясидан фойдаланган ҳолда табиий газдан ишлаб чиқарилган мутлақ синтетик, юқори сифатли ўрта дистиллатли ёнилғидир. Мазкур ёнилғи Европанинг энг юқори стандартларига жавоб бергани учун Евро 6 авлодига (К-6) мансуб бўлиб, қуйидаги хусусиятларга эга бўлган премиум класс тоифасидаги ёнилғилар қаторига киради:

Texaс қишлоқ хўжалиги ва машинасозлик университети (Texas A&M University) олиб борган тадқиқотларида “GTL” дизель ёнилғисидан фойдаланиш натижасида чиқиндиларининг миқдори сезиларли даражада камайганини кўрсатди. Қуйида изланишлар натижасида анъанавий ёқилғилардан фойдаланишдан келиб чиққан чиқиндиларга нисбатан “GTL” ёнилғисидан ҳосил бўлган чиқиндиларнинг аниқланган ўзгариш доираси кўрсатилган.

“GTL” дизель ёнилғисининг таркибида олтингугурт миқдори деярли йўқлиги чиқинди газларга илғор ишлов бериш технологиясидан фойдаланганда бошқа ёқилғилардан афзаллиги билан ажралиб туради. Бу эса транспорт воситасининг эҳтиёт қисмлари, ёқилғи ва мойлаш материалларининг хизмат муддатини ва автомобилнинг техник хизмат кўрсатиш даври оралиғи оширилишини кафолатлайди.

“Sasol” томонидан ўтказилган кенг кўламли синовларга кўра, “GTL” дизель ёнилғиси қўлланилишида мукаммал термал барқарорлик, тоза ва янада самарали ёнишга эришилади. “GTL” дизель ёнилғисининг юқори цетан сони двигателни ишга туширишни тезлаштиради, двигател шовқинини камайтиради, иссиқлик барқарорлигини яхшилайди ва двигателнинг юқори кучланишда ишлашини таъминлайди.

“GTL” ёнилғисининг яна бир афзаллиги унинг анъанавий дизель ёнилғиси билан тўлиқ мослигидир. Унинг бу хусусияти ҳозирги дизель автомобиллар ва ёқилғини етказиб бериш тизимларида ҳеч қандай ўзгартиришларсиз фойдаланишни кафолатлай олади. “GTL” дизель ёнилғисини юқори кувватга эга эканлигини инобатга олиб, анъанавий дизелда узоқ давр мобайнида эксплуатация қилинган транспорт воситасида хушёрлик билан қўллаш тавсия этилади.

“GTL” дизель ёнилғисини Евро 4/5/6 авлод двигателлари билан жиҳозланган транспорт воситаларида фойдаланиш мақсадга мувофиқдир.

“Uzbekistan GTL” заводида ишлаб чиқарилган синтетик дизель ёнилғиси республика ички истеъмолчилари эҳтиёжлари учун Ўзбекистон республикаси товар хом-ашё биржасининг савдо платформалари орқали очиқ биржа савдолари орқали етказиб берилади.

Мазкур маҳсулот ишлаб чиқарилиши мамлакатимизнинг ёқилғи мустақиллигини мустаҳкамлайди ва ички бозорни юқори сифатли маҳсулотлар билан таъминлайди.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш