“Ўзбекнефтгаз”: Бугундан бошлаб “Uzbekistan GTL” заводида ишлаб чиқариладиган премиум-класс тоифасидаги синтетик дизель ёқилғисининг нархи яна арзонлаштирилди
“Uzbekistan GTL мажмуасида жорий йил июнь ойидан минтақада биринчи синтетик суюқ маҳсулотларни ишлаб чиқариш йўлга қўйилиб, республика товар хом-ашё биржаси орқали истеъмолчиларга кунлик биржа савдолари орқали етказилмоқда.
Бугунги кунга қадар биржа савдолари орқали жами 44 минг тонна юқори сифатли ва экологик тоза бўлган синтетик дизель ёнилғиси сотилди. Бунда 1 тонна “GTL” дизели 14,5 млн сўмдан 18,9 млн сўмгача сотилди.
“GTL” дизель ёқилғиси “Навоий кон-металлургия комбинати” АЖ, “Олмалиқ кон-металлургия комбинати” АЖ, “Навоийуран” ДК, “Ўзбекистон темир йўллари” АЖ, “Оҳангаронцемент” АЖ, республикадаги барча нефть базалар, йирик агрокластерлар, қурилиш ташкилотлари ва бир қатор хусусий тадбиркорлар томонидан кунлик равишда харид қилинмоқда. Шу билан биргаликда истеъмолчиларнинг эксплуатация натижаларига кўра, ишлаб чиқарилаётган синтетик дизелнинг сифати юқори баҳоланмоқда.
Аввал хабар берилганидек, “Uzbekistan GTL” мажмуаси тўлиқ иш режимига ўтиши муносабати билан ва “Ўзбекнефтгаз” АЖ Бошқарув раиси Меҳриддин Абдуллаевнинг топшириғига кўра, синтетик ёқилғи маҳсулотларининг ишлаб чиқариш хажмлари босқичма-босқич оширилиб келинмоқда.
Жорий йил июнь-август давомида ўртача бир кунда 800 тонна синтетик дизель ишлаб чиқарилган бўлса, сентябрь ойида бир суткада ўртача 1400 тоннага ёқилғи ишлаб чиқарилишига етказилди. Ишлаб чиқариш ҳажмларини ошириш орқали маҳсулот таннархини камайтирилишига эришилмоқда.
“Ўзбекнефтгаз” АЖ томонидан республика ички истеъмолчиларига юқори сифатли дизель ёнилғисини паст нархларда етказиб беришни таъминлаш мақсадида, “Ўзбекнефтгаз” АЖ Бошқаруви раисининг кўрсатмасига биноан жорий йилнинг 13 сентябрь кунидан бошлаб ЎзРТХБ орқали сотувга жойлаштириладиган синтетик дизель ёқилғисининг бир тоннасининг бошланғич нархи 13 897 109 сўмгача арзонлаштирилиши белгиланди.
Келгусида завод томонидан ишлаб чиқариладиган маҳсулот ҳажмлари ортиши натижасида уларнинг таннархи ва мос равишда биржа савдоларига қўйиладиган бошланғич нархлари ҳам босқичма-босқич пасайиб бориши давом этади.
Эслатиб ўтамиз, ушбу нарх арзонлаштирилиши сўнгги икки ой ичида иккинчи ҳисобланиб, аввал жорий йилнинг 29 август куни синтетик дизелнинг бошланғич нархи 15 550 500 сўмдан 14 504 378 сўмгача арзонлаштирилган эди.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш
|web-sayt|facebook|instagram|telegram|vk.com|YouTube|twitter|