“Ўзбекнефтгаз”: “Шўртан” конида табиий газ ва газ конденсати олинадиган қудуқ очилди (Видео)
“Ўзбекнефтгаз” АЖ Бошқаруви раиси Меҳриддин Абдуллаевнинг топшириғига кўра, конларда табиий газ қазиб чиқаришни кўпайтириш, углеводородлар захирасини ошириш мақсадида кенг кўламли ишлар амалга оширилмоқда.
Жумладан, қудуқларда капитал таъмирлаш ишларини бажариш баробарида, янги қудуқлар бурғиланиб, тугатилган қудуқлар мажмуасида турганлари эса мураккаб таъмирлаш ишлари олиб борилгандан кейин ишга қўшилмоқда.
“Ўзбекнефтгаз” АЖ Шўртан нефть ва газ қазиб чиқариш бошқармасига қарашли “Шўртан” газконденсат конидаги 363-сонли қудуқда ҳам олиб борилган бурғилаш ишлари ҳам муваффақиятли якунланди. Бурғилаш ишлари "Ўзнефтгаз бурғилаш ишлари" МЧЖ мутахассислари томонидан олиб борилди.
Қудуқнинг 3125-2926 метр оралиғига фильтр тушурилди. Ўзлаштириш ишларидан сўнг, кунлик 70 минг куб метр саноат миқёсидаги табиий газ ва 1,5 тонна газ конденсати қазиб чиқарилишига эришилди.
Маълумот учун: "Шўртан" кони Қашқадарё вилоятининг Ғузор туманида жойлашган бўлиб 1980 йилдан буён ишлатилиб келинмоқда.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш
|web-sayt|facebook|instagram|telegram|vk.com|YouTube|twitter|