“Ўзбекнефтгаз”: Шўртан газ кимё мажмуасида куз-қиш мавсумига тайёргарлик ишлари амалга оширилмоқда

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғи билан нефть ва газ қазиб чиқариш бошқармалар, қайта ишлаш корхоналари ҳамда маҳсулотни сақлаш ва тарқатиш базаларининг 2022/2023 йиллар куз-қиш мавсумда асосий муҳандислик коммуникациялари, технологик асбоб-ускуналари барқарор ишлашга тайёрлаш ҳамда углеводородларни қазиб чиқариш, қайта ишлаш қурилмаларида амалга ошириладиган режали таъмирлаш ишларини сифатли ва ўз вақтида бажариш мақсадида бир қатор чора-тадбирлар белгилаб олинган.

Хусусан, Шўртан газ кимё мажмуасининг мавсумда барқарор иш режимини таъминлаш мақсадида тайёргарлик ишлари амалга оширилиб, белгиланган чора-тадбирлар дастурига мувофиқ қуйидаги ишлар амалга оширилди:

• 6 та қозон таъмирланиб, шундан 2 тасида мукаммал таъмирлаш ишлари амалга оширилди;

• "Буғ газ ҳаво таъминоти" цехига қарашли "Ишчилар шаҳарчаси" ҳудудида жойлашган қозонхона қурилмасидаги 6 та сув иситиш қозони таъмирланди;

• Ташқи сув таъминоти цехига қарашли 4 та маиший сув иситиш қозони таъмирланди;

• "Буғ газ ҳаво таъминоти" цехи Марказий қозонхона қурилмасидаги 6 та сиғим ҳамда Ички сув таъминоти цехи Бош биносидаги 7 та сиғим таъмирланди;

• Тайёр маҳсулотлар ва хомашё цехидаги 110 та, Ташқи сув таъминоти цехи сув резервуарларидаги 7 та, жами 117 та сиғим тозаланди;

Шунингдек, мажмуадаги электр тармоқларини таъмирлаш бўйича 9 та трансформатор подстанцияларида таъмирлаш ишлари ҳам олиб борилди. Дизель электр станцияларининг 2 тасини ишчи ҳолат ўрганилди.

• Узлуксиз электр таъминоти манбаларидан (UPS) 1 тасини ишчи ҳолатини текширилди;

• Захирани автоматик улаш қурилмаларини 8 тасида ишчи ҳолати ўрганилди;

• Иссиқлик тармоқларини умумий 178 таси изоляция қилинди, шундан 138 таси жорий таъмирланди;

• Сув тармоқларини таъмирлаш бўйича умумий 1744 метр қувур таъмирланиб, шундан 1574 метр қувурлар жорий таъмирланди;

• 2 та газ тақсимлаш пунктларини жорий таъмирланди;

Таъмирлаш жараёнида барча моддий-техник ресурслар ва эҳтиёт қисмлар тайёр ҳолатга келтирилган бўлиб, қурилмани сифатли таъмирлаш натижасида куз-қиш мавсумида тўхтовсиз, барқарор ишлашини ва белгиланган режа кўрсатгичлари бажарилишини таъминлашга эришилади.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш