“Ўзбекнефтгаз”: Жорий йилнинг ўтган даврида 393,5 млн АҚШ долларлик бирламчи ва иккиламчи маҳсулотлар экспорт қилинди

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаев томонидан тизимда олиб борилаётган ислоҳотлар акциядорлик жамиятининг бошқармалари ва заводлари томонидан ишлаб чиқарилаётган бирламчи ва иккиламчи маҳсулотларни нафақат республика ичида сотилишини, балки ташқи бозорга экспорт қилинишининг ошишига ҳам олиб келмоқда.

Хусусан, 2022 йилнинг январь-июль ойларида "Ўзбекнефтгаз" АЖ учун белгиланган мақсадли экспорт кўрсаткичлари прогнози 233,6 млн АҚШ долларини ташкил этиб, ушбу кўрсаткич амалда 393,5 млн АҚШ долларни ёки белгиланган режа бажарилиши 168,4 фоизни ташкил қилди.

Тезкор маълумотларга кўра, якунланган июль ойи прогнози 39,2 млн АҚШ долларини ташкил этган бўлса, ушбу кўрсаткич амалда 46,6 млн АҚШ долларни ёки белгиланган режа 119,1 фоизга бажарилиши таъминланди.

Жумладан,

• Бухоро нефтни қайта ишлаш заводи - 15,7 млн АҚШ доллари,

• "SANOAT ENERGETIKA GURUHI" МЧЖ ХК - 145,1 млн АҚШ доллари,

• "Uz-Kor Gas Chemical" МЧЖ ҚК - 153,7 млн АҚШ доллари,

• "Ўзбекнефтгаз" АЖ тизим ташкилотлари - 79,1 млн АҚШ доллари миқдоридаги маҳсулот ва хизматларни экспортга йўналтирди.

Жорий йил 9 ой якуни бўйича 453,8 млн АҚШ доллари қийматидаги маҳсулот ва хизматлар экспорти амалга оширилиши ҳамда прогноз кўрсаткичлари 141,9 фоизга бажарилиши кутилмоқда. Шунингдек, йил охиригача экспорт ҳажмини 540,9 млн АҚШ долларига етказиш ва йиллик экспорт мақсадли кўрсаткичларини 119,6 фоизга бажариш кўзда тутилмоқда.

Бугунги кунда нефть ва газ маҳсулотлари Туркия, Латвия, Афғонистон, Хитой, Россия, Қозоғистон, Тожикистон, Қирғизистон, Украина, Грузия, БАА, АҚШ, Буюк Британия, Австрия, Бельгия, Нидерландия, Франция, Люксенбург, Исроил, Польша, Литва, Руминия, Эстония, Корея, Малайзия, Қувайт, Миср, Мальта каби жами 32 та давлатга экспорт қилиниб, йил охирига қадар давлатлар сони 45 тага етказиш режа қилинган.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш