“Barclays” банки ва йирик инвестиция компаниялари билан учрашув бўлиб ўтди
2025 йил 7 октябрь куни “Ўзбекнефтгаз” акциядорлик жамиятида Буюк Британиянинг етакчи молия институтларидан бири — “Barclays” банки делегацияси, шунингдек, бир қатор халқаро инвестиция компаниялари вакиллари билан учрашув бўлиб ўтди.
Тадбирда Wellington Management, Ashmore Group, JP Morgan Asset Management, TT International Investment Management, William Blair & Company, Magellan Investments ҳамда Arkkan Capital Management каби йирик инвесторлар иштирок этдилар.
Учрашув давомида иштирокчиларга “Ўзбекнефтгаз” АЖнинг ишлаб чиқариш фаолияти, молиявий кўрсаткичлари ва компаниянинг стратегик ривожланиш йўналишлари ҳақида атрофлича маълумот берилди.
Инвесторлар компаниянинг молиявий барқарорлиги ва очиқ мулоқот сиёсатига ижобий баҳо бериб, халқаро ҳамкорликни янада кенгайтириш муҳимлигини таъкидладилар.
Учрашув якунида жорий йилнинг ноябр ойида навбатдаги invest call — инвесторлар билан онлайн мулоқотни ўтказиш таклифи илгари сурилди.