“Ўзбекнефтгаз”: Жорий йилнинг январь-июнь ойларида қўшимча 906,9 млн куб метр табиий газ, 24,8 минг тонна конденсат ҳамда 1020 тонна нефть қазиб чиқаришга эришилди

Бош саҳифа Русский

Жорий йилнинг январь-июнь ойларида “Ўзбекнефтгаз” АЖ Бошқаруви раиси Меҳриддин Абудуллаевнинг топшириғи билан акциядорлик жамияти тасарруфидаги нефть ва газ қазиб чиқариш, қайта ишлаш бошқарма ва корхоналарида углеводородларни қазиб чиқариш ва қайта ишлаш ҳажмларини кўпайтиришга қаратилган бир қанча ишлар амалга оширилди.

Жумладан, углеводородларни қазиб чиқаришни кўпайтиришга қаратилган комплекс чора-тадбирларнинг ўз вақтида бажарилиши натижасида, жорий йилнинг январь-июнь ойларида 42 та қудуқ бурғилашдан, 416 та қудуқ мукаммал таъмирлашдан ва 14 та технологик объектлар қуриб ишга туширилди.

Ушбу чора-тадбирларни ўз вақтида амалга оширилиши натижасида, қўшимча 906,9 млн куб метр табиий газ, 24,8 тонна газ конденсати ҳамда 1020 тонна нефть қазиб чиқаришга эришилди.

Юқорида кўрсатиб ўтилган геолого-техник чора-тадбирларни амалга оширилиши ҳамда мавжуд қудуқларни самарали ишлатиш натижасида,
2022 йилнинг январь-июнь ойларида “Ўзбекнефтгаз” АЖ томонидан нефть ва газ қазиб чиқариш ва қайта ишлаш режа кўрсаткичларининг бажарилиши қуйидагича бўлди:

• Табиий газ – 16 521,1 млн куб метр, режага нисбатан 100,1% ;

• Нефть – 50,5 минг тонна, режага нисбатан 100,0%;

• Конденсат – 723,4 минг тонна, режага нисбатан 105,6%;

• Суюлтирилган газ – 340,7 минг тонна, режага нисбатан 106,6%;

• Олтингугурт – 118,8 минг тонна, режага нисбатан 102,2%;

• Автобензин – 466,0 минг тонна, режага нисбатан 110,6%;

• Дизел ёнилғиси – 127,2 минг тонна, режага нисбатан 105,7%;

"Ўзбекнефтгаз" АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш