“Ўзбекнефтгаз”: 10 нафар иқтидорли талабага “Ўзбекнефтгаз” АЖ стипендияси тайинланди
Бугун И.М.Губкин номидаги Россия давлат нефть ва газ университетининг Тошкент шаҳар филиалида “Ўзбекнефтгаз” АЖ томонидан таъсис этилган стипендияга лойиқ топилган талабалар иштирокида тадбир ўтказилди.
Ўзбекистон Республикаси Президенти Шавкат Мирзиёевнинг Олий Мажлис ва Ўзбекистон халқига Мурожаатномасида иқтидорли ёшларни қўллаб-қувватлашни кенгайтириш, ёшларнинг замонавий таълим олишлари ва касб-ҳунар эгаллаши учун барча зарур шарт-шароитларни яратиш Янги Ўзбекистонни қуришда катта манфаат келтиришини таъкидлаган эди.
Ана шундан келиб чиқиб, И.М.Губкин номидаги Россия давлат нефть ва газ университетининг Тошкент шаҳар филиали талабаларини рағбатлантириш ва мотивация бериш, уларни билим олишга ва илмий-тадқиқот фаолиятга жалб қилиш ҳамда интеллектуал ва маънавий салоҳиятини ошириш мақсадида Филиалнинг илмий кенгаши томонидан тавсия этилган 10 нафар талабаларга “Ўзбекнефтгаз” АЖ стипендияси тайинланди.
Бугун ушбу стипендиатларга “Ўзбекнефтгаз” АЖ томонидан махсус Сертификат топширилди.
Маълумот учун: “Ўзбекнефтгаз” АЖ стипендияси Ўзбекистон Республикасида ўрнатилган меҳнатга ҳақ тўлашнинг энг кам миқдори (МҲЭКМ)нинг 1 баробарида белгиланган бўлиб, ҳар ўқув йилида сентябрь ойидан бошлаб, ўқув йили якунига қадар ҳар ойда тўланади.
"Ўзбекнефтгаз" АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш