August 12, 2023
“Ўзбекнефтгаз” АЖ фирибгарлар тузоғидан огоҳлантиради
Интернет тармоқларида “Ўзбекнефтгаз” АЖга сармоя киритиш орқали, мўмай даромад топиш имкони пайдо бўлгани ҳақида навбатдаги ёлғон хабарлар тарқалмоқда.
Ҳурматли фуқаролар “Ўзбекнефтгаз” АЖ номидан фойдаланиб, даромад илинжида юрганларнинг алдовларига учманг. Бу маълумотга “Ўзбекнефтгаз” АЖнинг мутлақо алоқаси йўқ.
Ёлғон чақириқ қилган фирибгарлар сизнинг телефон рақам ёки пластик карталарингиздан пул ечиб олишга уринишлари мумкин.
“Ўзбекнефтгаз” АЖ фаолияти билан боғлиқ расмий хабарлар билан фақат акциядорлик жамиятининг www.ung.uz веб-сайти ва ижтимоий тармоқлардаги расмий саҳифалари орқали танишишингиз мумкин.