“Ўзбекнефтгаз”: "Байрамни Сиз билан бирга нишонлаймиз" хайрия акцияси ташкил этилди
Янги йил байрами муносабати билан "Ўзбекнефтгаз" АЖ Бошқарув раисиМеҳриддин Абдуллаев топшириғига мувофиқ, барча нефть ва газ қазиб чиқариш бошқармалари, қайта ишлаш заводлари ҳамда тайёр маҳсулотни сақлаш ва тарқатиш базалари томонидан "Байрамни Сиз билан бирга нишонлаймиз" хайрия акцияси ташкил этилмоқда.
“Ўзбекнефтгаз” АЖ тасарруфидаги Шўртан газ кимё мажмуаси томонидан ҳам Ғузор тумани ҳокимлиги билан ҳамкорликда "Байрамни Сиз билан бирга нишонлаймиз" хайрия акцияси ташкил этилди.
Акция доирасида туманга қарашли маҳаллалардаги боқувчисини йўқотган, ногиронлиги бор шахслар, ёлғиз кексалар ва бошқа ижтимоий ҳимояга муҳтож 200 нафар фуқароларга озиқ-овқат маҳсулотлари ва уларнинг фарзандларига байрам совғалари улашилди.
Шунингдек, ушбу хайрия акцияси доирасида 15 та эҳтиёжманд оилаларнинг уй-жойлари ҳам мукаммал таъмирлаб берилмоқда.
Бу каби саховатли тадбирлар туман бўйлаб барча маҳаллаларда давом этмоқда.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш