“Ўзбекнефтгаз”: “ЛУКОЙЛ” АЖ билан ҳамкорликда кадрларнинг тажрибасини ошириш ишлари давом эттирилмоқда
Аввал хабар берганимиздек, “Ўзбекнефтгаз” АЖ фаолиятига янгилик олиб кириш, ишни самарали ташкил қилишнинг илғор услубларидан фойдаланишни жадаллаштириш борасидаги ҳамкорликни кенгайтириш мақсадида Россия Федерациясининг “ЛУКОЙЛ” компанияси билан 2021-2022 йилларга мўлжалланган йўл харитаси тасдиқланган эди.
“Ўзбекнефтгаз” АЖ Бошқаруви раиси Меҳриддин Абдуллаевнинг топшириғига мувофиқ, мазкур йўл харитаси ижросини таъминлаш ҳамда нефть-газ саноати корхоналарида меҳнат қилаётган ходимларнинг малакасини ошириш мақсадида “ЛУКОЙЛ” компанияси томонидан амалиёт жараёни ташкил этилди.
Бу сафарги ўқув курслари “Қатламларда нефть-газ бера олишни кўпайтиришнинг замонавий усуллари” мавзусида бўлиб ўтди.
Бундан ташқари, “Геология ишларнинг замонавий усуллари”, “Газни қайта ишлашнинг замонавий усуллари” ва “Нефть ва нефть кимёси бўйича қайта ишлашнинг замонавий усуллари” дастурлари бўйича “Ўзбекнефтгаз” АЖнинг 40 нафар ходимлари “ЛУКОЙЛ” компаниясининг ишлаб чиқариш объектларида амалиёт ўташди.
Жорий йилнинг август ойида яна 3 та йўналиш бўйича “Ўзбекнефтгаз” АЖнинг 30 нафар ходимлари “ЛУКОЙЛ” компаниясининг ишлаб чиқариш объектларида амалиёт ўташ учун юборилади.
“Ўзбекнефтгаз” АЖ Матбуот хизмати
#нефть#газ#энергия#скважин#инвестиция#добыча#углеводород#экономика#завод#нефтебаза#қудуқ#кон#иқтисод#аёқш
|web-sayt|facebook|instagram|telegram|vk.com|YouTube|twitter|